بينما إنت قاعد كدا في أرض خضرا والسماء صافية ولونها أزرق نيلي كدا وكل حاجة والدنيا حلوا وجا عليك غروب الشمس والسماء بدأت تاخد لون برتقالي فاتح وإنت قاعد والدنيا رومانسية وبديعة وزي ما قلتلك قبل كدا بدل ما تكون شخص رومانسي إنت معقد نفسي عامل زيي كدا بدل ما تستمتع بشكل الجوا وواو وإيه الحلويات دي وبلا بلا بلا طلعت عرق عمو نيوتن أبو تفاحة اللي جواك وقعدت تسأل ليه السماء لونها كدا يعني ليه مثلا لونها مش اسود مثلا طب هو في احتمالية إن السماء يبقى لونها اسود بالنهار أعزائي المتابعين أهلا بكم في فقرة جديدة من سلسلة #لما_يحدث_هذا بعنوان لون السماء
طبعاً كلنا عارفين إن لون الضوء مكون من ألوان الطيف السبعة اللي هما (أحمر - أصفر – برتقالي – أزرق نيلي – بنفسجي – أخضر) زي ما بنشوفها في قوس قزح كدا بيندمجوا مع بعض علشان يكون لينا الأبيض الذي ينتج من أطوال الأشعة المكونة للضوء دا كدا بالنسبة للضوء.
أما للون المادة المرئية بتنتج برضو من ضوء الشمس المنتجة للضوء ذو الأطوال المختلفة.
في طبعاً بعض المواد اللي بيمتص الضوء ومواد تاني بتكسره ومواد بتعكسه وطبعًا في مواد شفافة فبتعدية.
يعني مثلا تعالى كدا بالليل وبص على شوية نباتات تحت ضوء القمر من بعيد هتحس أو هتشوف لونها أبيض تعالا مثلا هات حاجة لونها أحمر وصلت عليها الضوء هتلاقيه امتص كل ألوان الطيف وسبلك الأحمر.
بص كدا على البنفسجي هتلاقيها امتصته كله وعكستلك شوية أحمر على شوية أزرق روح كدا على اللون الأسود دا بقا عامل زي سيد قشطة هياكلهملك كلهم ويريح دماغك منهم.. بالبلدي كدا عاوز يقولك بطل رغي واسكت بقا او مش هياكلهم الفكرة إنه هيمتصهم كلهم بما فيهم الأبيض ويعكسهملك مع بعض.
كدا إحنا خلصنا التمهيد الطويل دا كلوا علشان نفسرلك الباقي في سطرين تلاته تعالى بقا معايا على التفسير.
لما الضوء بيكون ماشي في الهوا طبيعي جدا إنه هيتعرض للانكسار بدرجة معينة حسب كمية الغبار الموجودة حواليه.
وطبعا بما إن موجات اللون الأزرق قصيرة فهتنكسر بسرعة عن باقي الألوان فبتنكسر بدرجة كبيرة بالنسبة للألوان اللي موجاتها طويلة (الأحمر – الأصفر) ففي الأيام الصافية بيكون مفيش غبار بقا ولا قطرات مية فبيكون انعكاس أشعة الضوء محدودة فبالتالي بنشوف السماء لونها أزرق فاتح كدا ولون صافي وحاجة حلوا كدا.
عند الغروب بقى الغبار بيزيد فبيزداد تشتت الضوء وخصوصاً الأزرق زي ما اتفقنا ويسيبلك الأحمر والأصفر يشرفولك في الجو فبتشوفهم بالشكل البرتقالي البديع دا.
أما لو بقى لو يعني الأرض عاملة زي القمر كدا بدون جو يحيط بيها كنا هنشوف السماء سوداء ليل نهار.
#الكاتب_الرمادي
#عزالدين_مجدي
#لما_يحدث_هذا
#بقلمي
