تلاعب بالنفس - ممارسة التحفيز

 في واحدة من أهم قواعد التلاعب بالنفس.. فهم المشاعر.. ويتتوج فوق عرش المشاعر دي، العواطف الإيجابية.. مشاعر الحب. 

مفتاح كل طرق النفس يتوقف على الحب.. لو حبك وأصبحت جزء من يومه هيقدم تنازلات ماهولة علشانك، وهيتدمر بجد لو بعد عنك.. فأنت هنا قادر تملكه وتستغله، وقادر برضو تنهكه وتدمره.. والموضوع دا ليه تكينك وكلام كتير بتوسع اكتر في كتاب #العاب_ديمون لكن إلى أن أنتهي من هذا الكتاب فأنا هقطع مقالات من كل حتة شوية.. طبعًا الكتاب هيكون فصحى داخل العامية في الأمثلة بس.. لكن دي مقالات سريعة لزوم الريتش يعني 😊

مقال النهاردة بيتكلم عن حاجة إسمها #ممارسة_التحفيز واللي أنا بسميها #مكافأة_الشيطان ودي حالة بإختصار بتكلمك إن المتلاعب بالنفس بيحفز ضحيته عن طريق مكافأة لكل إنجاز إيجابي الضحية بتقوم بيه.. يعني المستغل بيقولك مثلًا لو خسيت 10 كيلوا هعزمك على خروجة فيوم فري على حسابي، أو هنروح الملاهية يوم على حسابي...الخ. وبالتالي هو بيشجعك تخس.

وعاوزك تعرف يا عزيزي أن النفس البشرية لا تفعل شيئًا بشغف بدون مكافأة. ذاكر الدرس دا علشان تلعب مع صحابك (مكافأة على مدى القريب) ولمّا تنجح هجبلك كمبيوتر (مكافأة على المدى البعيد) ومن الحاجات المهمة اللي بيقع فيها الأهالي مع أولادهم هي عنصر المكافأة على المدى البعيد.. لإن دا بيعمل خمول للإبن لسه هستنى لآخر السنة لما أنجح؟ لازم يكون فيه مكافأة بعد ساعة في آخر اليوم جنب آخر السنة وهكذا.

طيب لحد دلوقت الشخص المتلاعب دا كيوت وحلو ويتحب.. دا بيشجعني أذاكر لا وكمان لما بذاكر بيوصلني بالعربية لحد المدرسة، أو بيحجز ساعة كورة وبيحاسبلي في الساعة دي لأني ذاكرت وبجد دا أعظم صديق حصلت عليه... هوووب. نقطة ومن أول السطر.

شوفت الكلام اللي فوق دا.. حلو صح؟ تعالى نقوله بزاوية تاني، هيبان شبه دا لما نعمله بس هو مش شبه خالص.. 

إزاي؟ 

أنا أقولك: علشان أنا كمتلاعب بيك كضحية أحفزك، لازم أكافئك على الشيء اللي بحفزك تعمله ولازم أخليك تسعى وتتعب علشان تخلصه وبالتالي أديك مكافأتك.. لكن في نفس الوقت أنا هعمل حاجة كدا من تحت لتحت، هو إني عن طريق الإيحاء هوصلك إن المكافأة مش علشان إنت ذاكرت.. بل علشان إن جزء من إرضائي إنك ذاكرت.. 

ودا ممكن أعمله عن طريق إن كل ما تعمل حاجة ترضيني أديك مكافأة مش شرط تكون مادية، والله زي ما قولت رغم أني بوصلك كل يوم إلا إني المرة دي لما أقولك دي توصيلة علشان عملت كذا تأثيرها على النفس مختلف..

فلما كل ما تعمل فعل يرضيني أو اقولك عليه اكافئك بشكل، وأغطي أنا الموضوع دا بإنك كل ما بتذاكر علشان بقولك ذاكر أديك مكافاة علشان إنت ذاكرت أو إن الفعل اللي بيرضيني دا مصلحتك في العموم... هيوصل لعقلك لا إرادي إن رضايا واجب من أجل إمتاع النفس وسد حاجاتها.. 

نفس الإنسان عمومًا زي الطفل، بتحب اللي يفرحها كتير ويراضيها ويطبطب عليها.. حتى لو زعلتها في مرة أو عشرة هتفضل متمسكة بيا.. بس بشرط تكون نفسك خلاص حبتني وأصبحت مكافأتي وجزء من روتين نجاحك ووجودي..

وركز أنا بكافئك لحد ما بقت المكافأة دي روتين يومي..

روتينك اليومي مع الوقت.. إني بقيت في حياتك بحفزك وبكافأك لما تعمل اللي بحفزك فيه..

جرب بقا تكسر الروتين دا وتزعلني فاحرمك من وجودي، واحرمك من روتينك.. حرفيًا عقلك ممكن يطلع من راسك يقتلك.. إزاي؟

العقل بيعشق الروتين، أصلًا آلية عمل الدماغ بتاخد الفعل تكرره فيصبح روتين ترميه في اللاوعي وتوفر مجهود.. تقوم إنت تقوله عاوزين نجدد واتعب شوية؟ طب ما هيربطلك الشخص بذكرياتك والأزمنة والأفعال فهفضل في دماغك زي الكابوسن ولازم هتراضيني بشكل من الأشكال.. أنا موجود إذًا إنت سعيد.. 

شوفت الكلام وصلنا لفين، إي هتقف ضد سعادتك؟ أكيد لا، خلاص حافظ على وجودي وراضيني..

والموضوع دا لازم يكون فيه شوية سينس ودماغ.. متخلكش واضح أبدًا متكترش من الزعل...الخ متستغلش النقطة دي بس.. الإنسان الطبيعي عنده ما لا يقل عن 5 نقاط يمكن اللعب عليهم مع بعض متهريش واحدة منهم لحد ما هو يمل فتبوظ.

وخد مني بقا السطر دا لأنه مهم..

هو أنا هفضل اكافئة طول العمر؟ 

لا طبعًا هو من بقية عيالك؟ لما توصل لنقطة إن سعادة متزامنة بوجودك، فأنت بتتحول من مانح مكافئات إلى المكافئة نفسها "وجودك هو خير مكافأة بيحصل عليها"

خد الخلاصة بسرعة كدا..

لو هتتلاعب بشخص عن طريق عنصر التحفيز.. فالقاعدة الأساسية اللي بتعملها.. إنك بتربط نفسك بشغف المكافأة.. يعني بيكون عنده شغف للمكافأة، وشغف للمكافأة دي منك.. الموضوع بشكل مؤقت وبيكون زي طعم.. مش أكتر

بعد ما بيبلع بيكون الإنطباع عنك مرتبط بتفكيره بالمكافئة

بعد مدة بتكون ليه مش كشخص، بتكون لي كشعور مريح.

أوعى تبان في صورة سلبية قدامه في موضوع المكافأة دا.. خليك بيعوبك عادي، لكن أنا بديك المكافأة عشان إنت نجحت مش علشان هلبسك كمان شوية.

حاول تكون الماكفئات مش عشوائية، شوف حاجات هو عاوزها والعب عليها..

بعد وقت الهدف بيكون مُحَفز إنه يعمل اللي إنت عاوزوا بدون مكافآت لإن وجودك بيكون هو المكافئة

وبس كدا دا كان ملخص سريع كدا كتبته في ساعة صفى أتمنى يكون عجبك.. متنساش رأيك وتحط ريأكت شبهك كدا؟

#الكاتب_الرمادي