طب وبعدين
محتاج فلوس عاوز أشتري هارد
اجيب فلوس منين دلوقت يا ربي، المشكلة ان امتحناتي كمان اسبوعين ومينفعش انزل شغل و في نفس الوقت الهارد مفيهوش ميجا واحدة فاضية ولو فضل كدا ميبقاش قدامي غير اني اوقف الموقع او امسح حاجة من الهارد ياما هيتحرق.
مالك يابو الصحاب
مش وقتك خالص دلوقت
مش وقتي ايه دا القلب حالف طلاق تلاته من الجسم ان ماهدتش شوية ليقف و ما هو موزع نقطة دم واحدة، الرئة قربت تطق منك عمال تروح شمال يمين، شمال يمين عامل زي البهلوان ومش عارف انظم هرموناتي بسببك الرسايل بقت بتروح لأعضائك غلط، انت ملاحظتش من دقيقة كنت بتحاول ترفع ايدك على دماغك لقيت رجلك بتفتح الحوض حالنا بقا يصعب الكافر.
انا حاسس ان حركة كمان هتعملها هلاقي البنكرياس جا يفكر مكاني انا هروحت مكان الروكبة لانها هتطلع تدق مكان القلب اللي اتقمص فجأة دا، جسمك بيضيييع يصلاح اعضائك بتبوظ رفقًا بنا علشان لو جرالنا حاجة كلنا هنتشلوح فأعقل كدا ومتضيعناش
طب واعملكم ايه دلوقت!!
تعمل ايه ازاي، يبني ركز احنا مش اصحابك ولا واحد جي يضايقك علشان تتبارد عليه الله يخربيتك اترزع في اي حتة و نفكر انا وانت
تفكر! انت نسيت اللي فات ولا ايه لا انا اسيب الهارد يتحرق احسن
يا عم متخليش قلبك أسود كدا، اسمع مني تعالى نفكر قول المشكلة كلها تاني كدا علشان مكسل اشوفها من عندي والله .
مكسل!! دي بداية القصيدة كفر
طب قول بس
هريحك
فاكر الموقع اللي كنا بنعمل فيه و شغالين لليل نهار عليه دا
بتاع ثقافة الجحيم ايوا فاكره، ودي حاجة تتنسي دا انا لوحدي ماسح قاعدة البينات اربع مرات في بداية ما اشتغلنا فيه
ايوا هو دا
يااااه ايام يا جدع فكرتني باللذي مضى
معلش
بس جاب تعبه برضوا
حقيقة دل....
هو عامل ايه دلوقت
مانت تبطل رغي النسوان بتاع امك دا علشان اعرف انطق ايه اخرس شوية
انت بتزعقلي طب والله منا مفكر ولا مخليك تفكر، خليك بقا زي المغبونة من جوزها ونفسها ترجعله كدا
انا...
ومش هترجعله تدري ليش، لانه اصلا نسوانجي وهي بومة وهو مصدق روحت بيت ابوها يومين يرفه فيها عن نفسه
طب
الراجل برضوا لازم يرفه عن نفسه
اا
هو كدا خاين اه وخنزير بس برضوا
طب
ماهو لو كان بييجي من البييت لاقيها حطاله اخضر و ازرق من اللي بيحطوه دا مكنش بص برا
اسمعن
بس مهما كان برضوا ميحقلوش يعمل كدا
يبني افهم
راجل بصباص خنزير
معلش يحبيبي
الطبقة دي اللي جيبالنا الكلام
........
محنا سمعتنا مش وحشة من قليل
وبعدين برضوا هو معذور العيب على خطافة الرجالة اللي خدت عقله دي ومراته برضوا هبلة علشان مبتعرفش تعمل زيها المفروض ياجي من الشغل يلاقيها حطالها ايشي احمر على فسدقي شوية كحل على ملوكين من اللي بينور حاطة برفان تجدد كدا يعني مثلا مرة يدخل يلاقيها واقفله مبتسمه مرة يخش يلاقيها بتتشقلب زي سلاحف النينجا كدا يعني
بس برضوا الراجل خنزير
يبني ارحم امي اللي نايمة جوا دي وركز معي الله يخربيتك.
عاوز ايه ياعم مانت اللي بترغي كتير ومقلتش المشكلة
مشكلة ايه
بتاع الموقع اللي كنت بتقولها دي
الموقع!! اه الموقع الله يخربيتك توهتني بقصة الخيانة بتعتك دي
كان ماله بقا
اخرس علشان اعرف اقول ، قبل ما تتكلم دلوقت الكام هارد اللي عليهم قاعدة البينات دول
يااااه فكرتني بالذي مضى
يبني
فاكر لما خلصتهم اخر مرة واتمسحو منك
يحبيبي ولما لما كنت عمال تكتب في موضوع طويل كدا خاد في ايدك ساعتين تقريبا ورحنا قافلين الموقع قبل ما ننشره او نسيفه حتى كانت ايام حلوا والله
انت هتسمع و لا انط من فوق البتاع دي واخلص من نفسي و من امك دلوقت
مش بفتكر معاك يا عم
متفتكرش انت تسمع بس تتنيل تسمع بس تمام
كسرتي بنفسي والله طب مش مفكر، خليك بقا قاعد زي المغبونة
يختاااااي ونفسها ترجع و مش هترجع و حاجات عنب كدا اسمع يبن الخنزيرة الزفت االهاردات اتملت و لازم نجيب مساحة ضروري يا اما هيحصل غلطة لو اي داتا جديدة شالت طينة دخلت للهارد هتعرف تحلها ولا تنشطلنا هرمونين زفت يخمدونا ولا اقولك قول للقلب يقف ويرحنا
بس كدا سهلة يا عم و حلها معايا
ايه دا بجد
اومااااااال شوف لما هديت الحل جا ازاي
طب قولي عليه بسرعة الله يسترك
اشتري هارد جديد
ابغي اقول كلام قبيح بس استحي، ويا ريت تستحي على دمك انت كمان وتخرس
خلاص يا عم نسيت انك مش لاقي تاكل ومينفعش تشتغل
طب يا سيدي شكرًا كفايا
جاتلي فكرة أحسن
يا راجل
طبعًا دا انا ابو الفصوص برضوا هو انا اي حد
مهو دا اللي قالقني
اعملي تقرير كدا بكل البينات اللي في الموقع
لحظة كدا تلاتة تيرا فيديوهات و ملفات مرفوعة ومقالات و كل حاجة
حلو شوفلي الحاجات اللي مبقتش تظهر ولا ليها لازمة كدا
اهم حوالي ميتين جيجا، تصدق انت عبقري معرفش ازاي مجاش في دماغي امسحهم و افضي مساحة
لا متخلكش غشيم كدا احنا مش هنمسحهم
اومال هنعمل ايه
افتح كدا ملف كورسات البرمجة اللي كنا كاتبينه زمان دا
اهو
حلو هتلاقي عندك ملف مكتوب فيه ازاي تضغط الملفات من غير ما تأثر عليها وتظبط عليه بحيث يشتغل على التبادل
ازاي مش فاهمك
يعني الموقع هيتأل شوية صغننين كدا و بالمقابل هيضغط الثلاثة تيرا دول لواحد ونص تيرا وكل ما حد يحتاج حاجة البرمجة تفكه هي و بكدا تكون وفرت مساحة بدون ما تخسر حاجة
لا بجد عاش يبو الفصوص أحييك أنا فخور بيك كعقلي
شفت أنت على طول كنت بتبقى ظالمني كدا
خلاص بقى انا اسف تعالى بقا نعمل الموضوع دا
يلا يا وجهة
after 30 minuts
ايه اللي حصل دا
هو الموقع كان لازمك في حاجة
نعم!
الموقع كان لازمك في حاجة اصله ضاع
موقع ايه
بتاع ثقافة الجحيم
لا نكته حلوا سيبك من الهزار بقا و قولي ايه اللي حصل دا
هو اتمسح فعلًا بص كدا
اه دا اتمسح فعلًا مشاء الله مشاء الله ربنا يحميك ي ابو الفصوص والله
مش وقت هزار بجد
يبني هزار ايه بص
انت بتستهبل دا اللي هو ازاي
تقريبًا كدا احنا بدل ما نستخدم البرمجة بتاع الضغط دي استخدمنا الكود اللي بيفرمت الهارد، الخبر الحلوا ان انا بذكائي الخارق
ايوا فرحني
ما انت متقاطعنيش بقى علشان افاجأك بمزاج
خلاص اسف اتكلم
الخبر الحلو ... اني لحقتلك الفولدر بتاع الاتسيكرات و الكوميكسات ولعبة جتا
اما بالنسبة للموقع و الكتب بتوعك فدا بح اه وحاجة تاني الرواية بتعتك الكام فصل اللي كتبتهم بعد ما اتمسحوا راحوا برضوا
ابو العزوز ولاااا طب رد طيب اي دا ابوا القلوب دقتين زيادة وحياة كليتك يشيخ انا حاسس ان الدم بيوصل بالعافية ابو القلوب ولاااا يا قلب يا ق...............
................................................................
#الكاتب_الرمادي