تحذير.. الريڤيو يحتوي على حرقلو ناوي تقرأها حط ريأكت ومتكملش
كاتبة الريفيو هي الكاتبة حسناء قطب (الكاتبة المختمرة)
.
.
.
.
"حرب باندورا" اسم عظيم ورواية أعظم
حاولت اكتب ريفيو يديها حقها بس بجد مش عارفة..بس هكتب من غير ترتيب لكلامي لأن بجد حتي بعد م خلصتها حاسة اني لسه عاوزه أقرأها من تاني وتالت ورابع.. ،مبدأيًا كده انت عملت إنجاز عظيم وتستحق كل الدعم والشُكر عليه، أُهنيك على الكتابة الفصحي وعلى إبداعك في طريقة السرد وفي أدوار كل الشخصيات..حبيت انك خليت كل شخصية تسرد الأحداث من نظرتها او نقدر نقول كل واحد كان ليه دور عظيم وكان بيسرده لينا ويخلينا نعيش معاه بِشخصيته كأنه قُدامنا، الأحداث وطريقة السرد قادرة تخلي القارئ يكمل ويبقي عنده فضول يعرف هيحصل اي!
وحقيقي انت كنت مُبدع في الشخصيات
وظهور عيله ميدنس وفكره انهم يقدسون الالعاب النارية والاسلحه البيضاء، فإما تقتل بدم بارد.. او يحرقونك ف مكان ما بقوة وصوت يعلن لجميع من ف ف الجوار ان لعنت هذه العائله ف الجوار. انها لعنه حقًا...
____________
وحبيت شخصية "ديمون " عاش ف ملجأ وماضيه كان مؤلم رغم كل الشر اللي فيه بس حبيت فكرة انه مُتصالح مع نفسه جدا مع انه عارف انه بيأذي الكل وكمان حسيت أنه مريض نفسي بردو، ده غير قدرته بالتلاعب بالالفاظ. وفكرة ان وجهه الحقيقي مازال مجهول وداىما ما يغير وجهه بأدوات التجميل تلك ده غير الغموض ال فيه و بيغير هويته واسمه، بتغير الزمن (العصر)..
ده غير مارسلين قلبها مايت 😹🙂...
__________
_عجبتني حركه ان الرصاصات ال كانت موجه لسارة ومصطفي وإسراء.. كانت تحمل بداخلها دماءً لا بارود...
--------
حبيت فقرة التعذيب مع ان دي اول مرة صراحه احس
س باستمتاع حاسه ان عاوزه ادخل الروايه واعيش دور ديمون ف الجزء ده بالذات.
________
نيجي لفكرة المتاهات
بجد رووعه فكرة مبتكرة ومختلفه حسيت فيها نوع من انواع التشويق فكرة ان القاعات A/C/E/l
وكل مرحله متنافسين. وف النهاية واحده بس هيعيش. وانبسطت ان نورسلين عاشت فالنهاية .
أبدعت في سرد الجزء ده كانت عظيمة جدا..
--------------------
نيجي بقى للعنه ارض المجهول "مدينة الانتحار السنوية"
تكتسب اللعنه بموت كل من يدخلها
ومن القاتل؟. لا أحد يعلم
(اتعلم ما اجمل شئ ف هذه الروايه ... انه الغموض والألغاز صديقي يجعلك متمسكًا بها فقط لتعلم كيف ومتي حدث كل ذلك)
وفكره ان عاوزه يبني دوله داخل دوله
ويطلع من اطفال الملجأ(دكاتره-مهندسين-رسامين-محاسبين... إلخ)
ويساعدهم ف ان يطوروا نفسهم ويشتركوا معاه ف شركته فكره حلوه.
هل هينجح؟.
لا اريد حرق الاحداث عليك أيها القارئ
__________
واخيرًا اتضح كل شئ
ما معني باندورا، وقصة "بروميثيوس" ووجود الألهة "
وسبب اختيار ديمون لأرض المجهول
__________________
نيجي بقي لجزء النهاية
اشتعلت الحرب وبجد رووووعه، شئ مثير للدهشه، والاحداث خطيرررررة
وزعلت علي موت "زيد" و"جوني" و"مارسلين"و"أديري" ال مات بسكته قلبيه!.. 🙂
وقتل ديمون ل نورسلين .. دون أن يفهم الحوار.. 🙂
ولكن الخبر المفرح انتصار باندورا. وإعادة بناء أرض المجهول وهذا يعني ان القصه لم تنتهي بعد.....
_____________ من الآخر كده
كان الوصف والسرد قادر يجبرک تكمل للنهاية ويعيشک مع الأحداث ويخليک تنبهر بكل الإبداع والعظمة دي.. وبجد الرواية تستحق انک تقرأها مرة واتنين وعشرة ومش هتمل منها بالعكس لأنك في كل مرة هتحس بإنبهار ف الاحداث وتشويق وغموض اكتر، كأن لسه بتبدأ فيها(شغل محققين ده) مستنياک السنة الجاية في المعرض بفكرة أعظم وإبداع اكتر ومتأكدة أنك كل مرة هتبهرنيي وواثقة بأن ليک مستقبل عظيم..♥️♥️
ومننساش الخطاب الملكي لوحده عظمه 🖤🖤🔥
بجد يا عز الرواية في غاية الجمااال، المقدمه لوحدها تخطف القلب، طريقه الكتابه وتناسق الكلمات والسرد. وتوصيل المعلومة ده ابدااع منك، واحلي حاجه في روايتك وال يميزها عن الروايات التانيه (مع احترامي للكُتاب طبعاً) إنها مش مجرد رواية القارئ يقرأها وبعدين يركنها، لا بالعكس بيستنتج منها العبر وبعض النصائح، ده غير أن الرواية ستعلق ف الاذهان وغير أن الرواية متنوعه بعض من (الاثاره_والتشويق_والالغاز_والمغامرات الخطرة)، ده غير انها مختلفه وهُنا التميز بحد ذاته، كونك مختلف...
كل الدعم والتوفيق ليك
نقول تصبح على خير
وتبا للرواية دي خلتني سهرانه الليل. والفضول يقتلني وديمون الغامض ده لوحده يشدك للرواية اصلا...
#حرب_باندورا
