يجري الزمن وأنا لسة بجريلك
بنزف دموع عشمان فمنديلك
طالب وجودك جنبي بنديلك
طالت مسيرتي فرحلتي ليكي
طاغي السكوت على كلمة فعنيكي
لو تنطقيها أنا هملك الدنيا
في من المشاهد بآلاف مرّوا
وخيوط مشاعري فوحشتك كروا
شدّوا اللي باقي مالفؤاد ليكي
نبضات في قلبي تزيد وتتوتر
لو بس تاجي عنيا فعنيكي
فالحسن وردة وضحكتك بُستان
أجمل جميلة بتلبس الفستان
النظرة ليكي بدون مبالغة أمان
وطريقي طوُل بس عمري ممل
فرصة وصولي رغم سعي تقل
وأنا لسة عشمي فالوصل ليكي
ميت يا روحي وروحي متعلقة
وحياتي وقفة وحالفة متكملش
أنتي الوحيدة لمحت فيكي السند
ولقيكي حيطة بالهموم متملش
كل البشر وقت الفرح جنبي
وفالعموم وقت الهموم متشيلش
وانتي اللي شوفتك ظهر رغم الوجع
وقت أما ظهري بضعفه مستحملش
ياللي أنتي راحة الدنيا فعنيكي
بسعى وطالب سعيي ميطولش
وأنا خوفي أبقى من اللي يسري عليه
"بحّار بمركب نزل المحيط موصلش"
#زاهر عصام.
#قصيدة: بحّار.
