ناصور ج1

 اسمك إيه 

عزالدين مجدي

ساكن فين 

في الفيوم بس حاليا في القاهره علشان شغلي

طب السما لونها ايه

اولا اللي احنا بنشوفوا دا مش السما دا الغلاف الجوي و لونه ازرق 

طب انا شغال ايه 

دكتور 

عرفت ازاي 

من لبسك 

طب انت عارف انت فين دلوقت 

ايوا 

فين 

مستشفى الامراض العقليه 

طب ماانت سليم و عاقل اهوو امال جيت هنا ليه 

الموضوع بدا من سنتين لما كنت مروح من الشغل و شفت قطه سودا كانت معديه الطريق و فجأه عربيه كانت جي بسرعه عدت عليها مش دي المشكله ان القطه اختفت قبل ما العربيه تعدي عليها انا متأكد اني شفتها و بعدها القطه اختفت خالص و كل البيبان اللي كانت في المكان دا كانت مقفله يعني مفيش مكان القطه دي تجري فيه و الحاجه التاني هي متلحقش تجري تستخبي لاني شفت العربيه و هي بتعدي مجرد ما لمستها اختفت و بعدها و انا ماشي لقيتها قدام بيتنا و كانت بتبصلي بصه غريبه كدا مع ابتسامه و عنيها كانت حمرا دم و و اختفت و قلت يمكن تخيلات و لا حاجه و دخلت البيت و طبعا منمتش لان القطه دي كانت شاغله تفكيري شويه و فضلت افكر في بصت القطه دي و الاحداث اللي حصلت معايا في اليوم دا و فضلت لحد ما نمت و حلمت حلم غريب حلمت إني معايا قوه جباره جدا و اني اقدر اعمل اي حاجه انا عاوزها دا كان مجمل الحلم بس تفصيله للاسف مش فاكرها و بس كانت غامضه شويه و مش مفهومه و اللي فاكره ان القطه دي كانت موجوده في الحلم تقريبا كانت عاوز توصلي رساله معينه.

 المهم جات ايام و راحت ايام و كنت كل يوم بشوف القطه دي قدام بيتنا و بتجري في اتجاه شارع معين قلت لاصحابي و اصحابي كانوا من النوع اللي بيحب المغامرات دا قالولي احنا هناجي معاك و نشوف هتروح فين

 و فعلا جينا تاني يوم شفت القطه دي و دخلت الشارع اللي جنب بيتنا و راحت لاخر الشارع و دخلت يمين في شارع طويل ضيق شويه و في نهايته فيه مكان واسع كبير و في وسط المكان الواسع دا بيت قديم و مهجور المهم القطه وقفت قدام البيت دا و بصتلنا و فجأه لقينا باب البيت اتفتح لوحده و دخلت طبعا كانت القطه دي طول الطريق بتمشي قدام شويه و تستنانا و هكذا اول ما الباب اتفتح و القطه دي دخلت احنا كنا خايفين جدا من الدخول بس الفضول كان اقوى بكتير و دخلنا رغم خوفنا و شكل البيت كان مهجور وشكله مرعب و فعلا دخلنا البيت و اول ما دخلنا لقينا حاجه غريبه جدا كان قصر مكنش مجرد بيت و كنا يدوب جوا على بعد خطوتين من الباب الباب اتقفل و الغريب ان الباب عدى من جوانا و هو بيتقفل و كنا سامعين التزيقه بتاع الباب و قبل ما يتقفل بحوالي ٢ سم اترزع جامد لدرجه ان احنا اتنفضنا من مكانا من شدة الصوت لفينا و شنا ناحية الباب علشان نفتحه و نطلع بس الباب مكنش راضي يتفتح خالص و حاولنا نعدي منوا زي ما هو عدى من وجانا بس طبعا محاوله فاشله تماما و فجأه سمعنا صوت مرعب مجهول مصدره بيقول "الى اين انت ذاهب بهذه السرعه لقد انتظرناك طويلا حتى تأتي الى هنا فلتأخذ جوله في هذا القصر و نعدك بالخروج بعدها سالما بدون اي مشاكل لكن يجب ان تتبع التعليمات كامله و يجب ان يكون تركيزك شديد مع كل تحركاتك و حاول ان تستمتع كثيرا مع اصدقاءك فربما تقودك الغيره و القوه الى فقدانهم الى الابد " في البدايه مفهتش الصوت دا يقصد ايه بس الصوره كلها وضحت بعدين للأسف و بعد ما الصوت اختفى الهدوء عم على انحاء المكان بنبص حولينا و كنا لسه في الدور الارضي 

 الدور الارضي كان كل حاجه فيه مكسره و في وسط الهدوء دا و احنا في وسط المشهد دا سمعنا صوت اتنين بيتخانقوا و بعدها سمعنا صوت رصاصتين اضربوا الصوت كان جي من الدور التاني إتسحبنا و طلعنا فوق ملقناش حاجه خالص افتكرت زمان كان جدي الله يرحمه كان حكيلي ان في واحد كان ضارب مراته بالنار و انتحر في البيت دا و من بعدها محدش دخل البيت دا تاني و الراجل دا كان ساحر و محدش كان يعرف سبب الانتحار او القتل 

بس الجدير بالذكر ان مرات الراجل دا خانته لان الاتنين اللي سمعنا صوتهم كانوا فعلا راجل و مراته و كان بيزعق معاها و كان بيقولها انه عرف انها بتخونو ووهي ردت بكل برود اه بخونك زي ما انت بتخوني و هفضل اخونك طول ما انت بتخوني و فضلوا يزعقوا مع بعض شويه و بعدها و سمعنا رصاصتين اتضربوا استنتجت كدا ان هو قتلها و قتل نفسوا بعدها

و بدأنا نستكشف الاوض كل الاوض تقريبا كانت شبه بعض معادا اوضتين شكلهم غريب اوضه منهم كانت مليانه كتب قديمه و صناديق قديمه خشب كان فيها كتب و حاجات غريبه و كانت مليانه حجات نحاس كتير كدا و عليها نقوش و اشكال هندسيه غريبه اكتر من المكان نفسه اصلا و الاوضه التانيه كانت مليانه عطور و شموع و بخور كتير كدا و كانت انواع اغرب حاجه كانت موجوده كانت البخور كان فيه منها ريحته رائعه جدا و انواع تاني ريحته زباله بكل معنى الكلمه ((هذا ما يسمى ببخور الشر و هو مطلوب جدا في اعمال السحر السفليه))و كان فيه زيوت و حجات غريبه كتير كدا و اجنحت طيور اكتر و حيونات كتير معظمها عضم دخلنا اوضه تالته دي بقى حاجه تانيه خالص الاوضه كلها فاضيه و مكنش فيها غير مرايا وقفنا نبص فيها ملقناش احنا اللي واقفين قدام المرايا احنا لقينا ناس زينا بس مش احنا كانت عنيهم حمرا نفس عيون القطه اللي شوفتها و كان عندنا ضوافر كبيره جدا و مليانين دم و شكلنا مرعب جدا انا قلت يمكن انا الوحيد اللي شايف كدا بس اتفاجئت لما لقيت واحد من اصحابي بيقلنا شايفين اللي انا شايفه قلتله عنينا حمرا و ضوافرنا كبيره مليانين دم 

 قاللي اه

 اتسمر في مكانا حوالي عشر ثواني بالكتير و سبنا المرايا و جرينا برا الاوضه بسرعه البرق بس فيه حاجه وقفتنا لقيت كتاب قديم اترما عليا بزاويه عموديه نزل باتجاه راسي من فوق و نزل على دماغي و منعرفش هو ايه دا بس كان شكله قديم و باين عليه ليه هيبه او اهميه كبيره بس الغريب ان فوقنا سقف اترمى منين او جا ازاي منعرفش و مجرد ما ميلت و مسكت الكتاب و فتحت اول صفحه لقيت البيت حصل فيه هزه كبيره و اصحابي وقعوا و اختفوا مره واحده فضلت انادي عليهم محدش كان بيرد ببص في الكتاب لقيت مكتوب بخط عريض سطور مفهمتش معناها الا متأخر السطور كانت بالنص دا 

"انت لم تأتي الى هنا بل نحن اتينا بك الى هنا انت لم تجدنا بل نحن من وجدناك تم اختيارك بواسطة الكتاب ليخدمك اقوى ملوك الجان

هذا الكتاب به قوى عظيمه اما ان تستخدمها في الخير و اما ان تستخدمها في الشر و الطريق الذي ستبدأ فيه ستظل فيه الى النهايه لا يمكن تغييره و احذر ان يمتلكك الغضب فتستخدم هذا الكتاب لتغيير مسارك او تسلك طريق لا تريده و احذر ان تمتلكك السعاده المفرطه فتستخدمه لتغيير مسارك او اختيار مسار لا ترديه فكر جيدا و اختار ما تريد و تأكد انك اخترت هذا الطريق بكامل قواك العقليه و احذر ان تصيبك الرأفة يوما في قرار بعد ان اخذته و بدأت في تنفيذه عن طريق الكتاب كل اختياراتك ستحاسب عليها لا يمكنك طلب شئ و عكسه و لا يمكن طلب شئ و التراجع عنه

 و اي شئ ستطلبه بدون حسب حسباتك مراجعة قرارتك حسب حساباتك و مراجعة قراراتك الجمله دي كانت متكرره و كانت مكتوبه بين قوسين و بلون احمر داكن فسينتهي بك الامر بالهلاك ؛ لانك لن تستطيع اصلاح الامر 

لتعلم و لمعرفة اسرار هذا الكتاب اتبع التعليمات و اقرأ الكتاب كاملا فالسطر الذي لم تفهمه جيدا سيحسب عليك بحسابات كثيره كل كلمه مفيده و مهمه و كل حرف له موضعه"

 قلبت تاني صفحه لقيت مكتوب بخط اعرض و اللون احمر مش داكن قوي بس تحس ان الكلام بارز شويه "قبل استخدام هذا الكتاب اقرأه كاملا و اختار مسارك بعدها فالكتاب يغير سطوره تلقائيا بعد اختيار مسارك....بدأت اللعبه و تم وضع الاختبارات"

قلبت الصفحه اللي بعدها و كان فيها ازاي تستخدم الكتاب او زي فهرس و قرأت شويه من الكتاب اول ثلاث صفحات اه نسيت اقولك الكتاب كان عدد صفحاته كتير جدا و طوله كان حوالي 50سم تقريبا لقيت الصفحات اللي انا قريتها دي كلها طرق لتحضير الجن و لقيت حاجه سهله تتعمل هي مجرد اسم هتردده شويه و انك تكون مش على طهاره و شويه حجات تانيه كدا انت بتعملها و سهل تعملها و مش هيحتاج اي حاجه ماديه علشان الجن دا يحضر كلها حاجات معنويه انا مكنش همي غير ان اصحابي يرجعوا فنفذت الخطوات المطلوبه و فجأه لقيت المكان كلوا بيهتز و كأن فيه زلزال حصل و فجأه الجن دا ظهر طبعا انا اترعبت بس جمعت نفسي شويه و طلبت منه يرجعلي صحابي

 قالي هما هنا هما موجدين وسطنا و شايفينا بس مش سامعينا و هما اصبحوا من العالم السفلي 

قلتله طب انا عاوزهم يرجعوا 

قالي و ماذا ستعطيني بالمقابل

قلتله عاوز مقابل ايه

 قالي دماء لشخص ما تقتله و تجعل دماءه تسيل على مقبره سأخبرك على مكانها بعد الخروج و من ثم تدفنه فيها 

 قلتله لا طبعا انا مستحيل اعمل حاجه زي كدا قالي حسناً سألبي طلبك و المقابل نتحدث فيه فيما بعد 

قال الجمله دي و على وشه ابتسامه باين عليها المكر و الخبث 

استغربتلها و استغربت اكتر لحرصه الشديد على ان ينفذ لي الطب اللي طلبته من يتبعو فعلا رجعهم و اول ما اصحابي رجعوا كانوا خايفين و مرعوبين جدا و شدوني من ايدي كنت ماسك الكتاب في ايدي و من شدهم ليا الكتاب وقع طبعا جريت معاهم و نزلنا علشان نطلع ملقناش بيبان او شبابيك خالص نخرج منها حيطان فقط البيبان اختفت و فوسط خوفنا و زهولنا عدت حوالي 10 ثواني بطيئه جدا في سكوت تام و مقاطعش سكوتنا دا غير صوت مرعب كان بيقول "يدوا ان احدكم نسي شئ اتى الى هنا من اجله و اسقط المفتاح من يده هل اضاع احدكم مفتاح الخروج هه هه هه هههههههههههههه ههههههههههههههههه ههههههههههههههههههههههههههههههههههههههههههههههههههههههههههههههههههههههههههههههههههه " ضحكته مش عارف اوصفها من قوته و العظمه اللي كانت فيها كانت مخيفه جدا مخيفه بطريقه غريبه و فجأه لقينا الكتاب كان طاير نحيتنا جريت عليه و مسكته فتحته بسرعه مقرتش حاجه غير طريقه تحضير الجن اللي نسيتها من الرعب و حضرته و طلبت منه يخرجنا من المكان اللي احنا فيه 

قالي "هذه المره يجب ان تنفذ ذاك الطلب الذي سأطلبه منك هذه المره "

قلتله ايه هي 

قالي لازم توافق قبل ما اطلبها و الا فلن انفذ طلبك و يجب ان تصرفني كما حضرتني فأنا لا ااتي الى هنا بدون تنفيذ طلبات و من يحضرني و لا يطلب شئ عندها يبدأ العد التنازلي لتدمير حياته كليا 

طبعا مكنش قدامي غير اني اوافق 

و سعتها طلب مني طلب غريب مش خطر زي ما كنت انا متصور و في نفس الوقت اخطر مما كنت اتصور الطلب مش قتل او دم او ما شابه حاجه بسيطه خالص اعملها بس غيرت مصيري و هي كانت البدايه لوصولي هنا 

الطلب كان..... يتبع

#ناصور

#الجزء_الأول

#الكاتب الرمادي