تخيل معايا كدا أنك واقف في الشارع وعدت من قدامك مزة من العيار الثقيل فقمت معاكسها
هوب لقيت خطيبها راجل فيتنس و بيطلع عضلات من عنيه واقف وراك
لسه هتتكلم أو تنطق حتى لقيته نازل فيك ضرب
بعد ما لسعك العلقة التمام روحت خدتلك
شوية مسكن وقولت تناملك شوية
لسه هتنام لقيت عقلك بدأ يفكر ويجيب اسئلة من زحل ومن بين الأسئلة دي
ازاي الدواء بيعرف مكان الوجع
أعزائي المتابعين دا هيكون موضوع النهاردة تابعونا
الموضوع بكل بساطة أنك لم بتتجرح أو بتمرض بيكون
في خلايا متضررة بمعنى أتجرحت في منطقة معينة الخلايا إللي فيه بتضرر فبتفرز مادة
كيميائية إسمها "بروستكلاندين"
النهايات
العصبية للأعصاب المنتشرة في الجسم بتكون حساسة جدًا تجاه المادة دي، وبمجرد ما
بيتم إفرازها هوب دوبل كيك فوق تحت شمال يمين تقوم النهايات العصبية واخداها
وبعتاها للدماغ أو بترسل أشارة للدماغ بمكان المادة هي بص حاجة من الأثنين
المهم أنها
بتبلغ الدماغ بمكان و حجم الضرر، فبتقوم واخد العلاج المناسب حسب تشخيص المرض،
فبتاخد العلاج دا من بوقك مثلا بيروح للمعدة و من ثم الأمعاء وبعدها بتمتص مباشرة
لمجرى الدم فبيفضل يتمشى في الدم في كل أنحاء الجسم وخلايا جسمك لحد ما يصادف
البروستكلاندين فيروح الدوا واخد المادة دي بالحب وهاتك يا أحضان ومستنيك من زمان
وياخدوا بعض ويمشوا تتعالج او لا دي حاجة بتاع ربنا بقا بس انا كنت بقلك هو بيروح
للألم إزاي