لِمَ تتساقط اوراق الشجر

 قاعد تحت الشجرة في فصل الخريف وماسك كتابك والدنيا حلوة خالص ووضع مفكر مثالي بس كل شوية ورقة شجر تقع عليك أو قدامك وبما أن حضرتك رجل مفكر قعدت تفكر إيه السبب العلمي لحدوث ذلك أعزاءي المتابعين أهلا بكم في فقرة جديدة من سلسلة لما يحدث هذا بعنوان لم تتساقط أوراق الشجر في فصل الخريف.

في البداية كدا تعالوا نعرف إيه هيا الورقة أو ماسكه في الشجرة إزائي (فقط لترابط الفكرة)

أوراق الشجر هي الجزء المتفرع من الجزء أو الساق اللي بتتكون من نفس الأليف والأنسجة اللي بتكون منها البرعم.

وبتتكون ورقة النبتة من سطح أخضر عريض أشكاله متباينة، والساق بيرتبط بعرق صغير وبيتفرع جوا الورقة مجموعة العروق المتفرعة لبرا الورقة والعروق دي هيا اللي بتنقل لـ أنسجة الورقة الغذاء وبتدعمها زي ما ضلوعنا بتدعمنا كدا بالضبط.

طبعا كلنا عارفين الموضوع دا اللي هو عملية البناء الضوئي دا زي شرح سريع كدا ليها يعني علشان هنحتاجه.

وطبعاً كلنا عارفين إن عملية البناء الضوئي هيا المفتاح الرئيسي للنبتة بحيث تكون قادرة تنتج الأكل بالبلدي يعني.

كل النبتات بتتكون من (اليخضور) الكلوروفيل والاسم الملعبك دا صبغة خضرا بتمتص أشعة الشمس وبتمكن النبات من بناء الكربوهيدرات من ثاني أكسيد الكربون الجوي ومن المياه.

طبعاً كل المواد الكيميائية دي بتروح للبناء الداخلي للورقة اللي بتحميها من طبقة الجلد النباتي وطبعا هو مرتبط بجلد الساق و دا اللي بيخيليها تمنع دخول أي عنصر مؤذي من العوامل الخارجية.

الجزء الداخلي للورقة بتحتوي عليا خلايا طرية الجدران بيتكون خمس الجدران دي على مادة الكلوروبلاست اللي بيحتوي على مادة الكلوروفيل اللي بتمتص الضوء.

الخلايا دي بتفرز إنزيمات اللي هيا البروتينات اللي الخلايا الحية بتفرزها، والتي تمثل المادة المحفزة في التفاعل الكيميائي اللي حياة النبتة بتعتمد عليه.

لما عملية البناء الضوئي بتبدأ الإنزيمات بتتعاون مع طاقة أشعة الشمس علشان تكسر المية لعنصرين المعروفين الهيدروجين والأكسجين. (ركزلي شوية بقا في اللي جي دا)

الأكسجين اللي بينتج من عملية البناء الضوئي بيطلع من ثغرات موجودة في على سطح النبتة علشان ييجي مكان الأكسجين اللي النبتة امتصته أثناء التنفس، وفي نفس الوقت الإنزيمات بتتحد مع الهيدروجين اللي بيطلع من الماء دا ومع ثاني أكسيد الكربون علشان يعملولك أحلى كربوهيدرات اللي يعتبر من أهم العناصر في النباتات وبالتالي الحيوانات وبالتالي طبعا حضرتك سيادة الإنسان.

ومن هنا نقدر نقول إن التفاعل الكيميائي اللي بيحصل جوا الورقة عنصر مهم جدا للحياة على البتاع اللي إحنا عايشين فيه دا.

تعالى بقا للسؤال بتاعنا ليه أوراق الشجر بيسقط في فصل الخريف؟ معلومة سريعة كدا الموضوع دا بيحصل كل سنة في الأشجار الموسمية وكل سنتين أو ثلاثة في الأشجار دائمة الاخضرار.

علشان تجاوب على السؤال دا هتلاقيه في أوليات حياة الورقة لأنها بالرغم بتشارك في دور مهم جدا في العالم المحيط بها إلا إن دورها الرئيسي إنها تدعم أمها الشجرة بالأخص في مرحلة معينة من النمو لما تكون الشجرة مش قادرة تمتص الغذاء الكافي لها من التربة ما هو مش هتدعمك وتسيب أمها كدا يعني.

ورغم إن إنتاج السكر بيستمر بإستمرار حياة النبتة إلا إنه مبيكونش ليه دور مهم جدا في طور النمو

طب ليه بقا الورقة بتسقط؟

الورق بيسقط في مختلف أنواع الشجر بسبب ضعف المنطقة اللي بتربط بين الورقة وساق النبتة أو البرعم وبالتالي الطبيعة بتلعب دورها فبيتم سقوط الورقة لما النهار بيكون قصير لانها بتبطيء عملية البناء الضوئي وبتقلل كمية الضوء الواصلة للورقة وللما بيحصل كدا ببتكون الخلايا الطرية عبر قاعدة العنق اللي بتوصل بين الورقة والساق فتسقط الورقة.

وطبعا الجرح بليتئم بسرعة لان الخلايا الطرية بتفلق الساق الجريح وتحول دون فقدان المزيد من المواد الغذائية.

 وطبعا الموضوع دا بيكون خطير في فصل الشتا بسبب أن عملية البناء الضوئي بتقل والغذاء بيقل برضوا.

#عزالدين_مجدي

#الكاتب_الرمادي

#لما_يحدث_هذا

#بقلمي