متلازمة الإحتراق الذاتي

طبعًا كلنا في زكرياتنا الجميلة بتاع الطفولة اكيد عدى علينا كرتون بن تن ويمكن لسه بنتفرج عليه لحد دلوقت

هتلاقي بن عنده شخصية اسمه هيت بلاست تقريبًا المهم البتاع دا بيتحول لراجل كله نار كدا
احب اقولك ان الشخصية دي فيها شيء من الحقيقة يعني هتكون قاعد في في أمان الله فجأة تلاقي اللي جنبك ولع مرة واحدة بدون سابق انذار ولع.

بس الفرق ان الراجل بتاع بن تن بيولع نار يضرب بيها واللي جنبك ولع لنار يموت بسببها
اتحرق كله حرفيًا والحريق بدأ من جوا كمان في بعض الحالات بيتحرق وبتكون درجة حرارة النار دي 1500 درجة مئوية، طبعًا مفكرني بفتي او بستهبل عليك، احب اقولك عزيزي المتابع لا خالص دي حقيقة علمية موثقة كمان اهلا بكم اهزائي المتابعين في حلقة جديدة بعنوان الاحتراق الذاتي
ــــــــــــــــــــــــــــــ
في الأول كدا ايه هو الاحتراق الذاتي؟ انا أقولك
هو عبارة عن حريقة بتمسك الجسم فجأة كدا بدون أي أسباب خارجية او معروفة وممكن يحصل حروق للجلد بسيطة نتيجته وممكن الجسم كله يولع نتيجة حريقة درجته 1500 درجه مؤية.

الموضوع اتعرض اول مرة سنة 1746 في مقال اتنشر في المعاملات الفلسفية في المجلة الطبية البريطانية
ايه اسم المجله هو الي انا قولتهولك مفيش اضافة المجلة تحت اشراف حماد هلال
كان قال فيها طبيب شرعي اسمه غافن ثورستون وهو بيوصف الموضوع دا قاله انه جذب انتباه ليس فقط للعاملين في المجال الطبي ولكن للعلمانيين أيضا"

وسنة 1834 قام عمك لاري ارنولد عامل كتاب اسمه 1995 مشتعل وكان قال فيه ان هناك حوالي 200 تقرير مسجل للاحتراق البشري الذاتى في جميع أنحاء العالم على مدى فترة من حوالي 300 سنة.

من الحالات المسجلة في الموضوع دا
ماري ريسير كان عندها 67 سنة ، صاحبة بيت ماري كانت عايزة توصلها برقية ومعرفتش توصل لماري ، وانتبهت إن مقبض الباب بتاع ماري كان سخن وبلغت الشرطة ، لما دخلوا بيتها الشرطة لقت بقايا جسم ماري متفحمة ، وشوية صحف لكن مش محروقة جنب كرسي ماري ، ومكنش في اي حاجة باقية من جسم ماري غير أجزاء من عمودها الفقري ، الجمجمة ورجل واحدة بس لكن سليمة تماماَ.

وعندك واحد اسمه هنري من ولاية راسو عنده 73 سنة لقوه ميت محروق في اوضة نومه الكلام دا سنة 1980
لما دخلوا لقوا المعلم محروق كله ومتبقاش غير جمجمته وحته من رجليه من تحت الركبة وغيرها من مناطق رجله يعني شوفها في المصادر تحت
بعد التحقيقات الشرطة و الطب الشرعي استبعدوا انه يكون مات محروق وانه استنشق مواد احتراقه
سنة 2010 تحديد ديسمبر اتسجلت حاله وفاة تانبه لواحد اسمه مايكل فيهرتي من مقاطعة عالواي الحالة اتسجلت انها احترتق نلقائي وغيرهم و بما اننا بشر في ناس حبت تستغل الموضوع دا يعني عندك مثلًا اغسطس 2013

في الهند تحديدًا ولاية نادو طفل رضيع عنده شهرين ونص اتنقل لكلية الطب و مستشفى في تشيناي كيلبوك
في الاختبارات الاولية تم نفي اي تشوهات وبعض شوية حبشتكنات دكاترة كدا اكدوا ان الطفل محترقش ذاتيًا ولا حاجة دا حد حطه في النار بالعند
طب اللي عمل كدا جاله الايحاء دا منين انا اقولك

في 2004 سكان نفس المنطقة كانو بيشتكو من ان البيوت بتنفجر لوحدها اه والله زي ما بقولك كدا تبقى قاعد فجأة تلاقي البيت انفجر

وبعد شوية بحوثات اكتشفوا ان الفسفور المخبئ في روث البقر كان موجود في الامكان اللي ضربت دي ومعروف ان الفسفور درجة اشتعاله مخنفضة شويتين

بالنسبة بقا لتفسير الكلام دا فيه اللي قال ان
- الكحول من العوامل المشتركة بين معظم ضحايا الاحتراق الذاتي ، لأن المشروبات الكحولية فيها نسبة كبيرة جداً من المواد القابلة للاشتعال بس لو بصينا للموضوع دا هتلاقي ان شرب الكحول لدرجة إنه يعمل إحتراق صعبة جداً ، قبل ما يشرب الكمية اللي توصل لحدوث إحتراق هيكون اتسمم ، وغير كده عملوا تجارب كتير على الحيوانات لكن فشلت.

- كمان في إلى افترضوا أن الاحتراق بيحصل للناس اللي بيعانوا من السمنه لكن الكلام ده غلط ؛ لإن الاحتراق حصل لناس بيعانوا من الضعف أو النحافة..

- في الي قالوا إن السجاير هيا السبب لأنها مصدر لاشتعال النار و مضرة للجسم وممكن الشخص المُدخن يتعب أو تحصله صدمة قلبية وتوقع منه السجارة فتسبب إشتعال في ملابسه.

واخيرًا فيه اللي قال ان الجسم فيه مواد قابلة للإشتعال عمليًا هما مادتين بس اللي قابلين للشتعال جواك عزيزي البشري الذي يشاهدني وسيضط لايك و اشتراك ويحط تعليق دلوقت وهيخش على المصادر
نرجع بقا المادتين هما انسجة الدهون و غاز الميثان
بس حتى لو الية الاشتعال اتوفرت جسمك فمش هتكون بشكل كافي يوصل الدهون لنقطة الاشتعال دي غير طبعًا المية اللي هتتكفل بانها تطفيلك الموضوع دا في لحظتها بالنسبة بقا لشعور الحرقة المتصاعد عند الحلق فدي شوية احماض معدية وصلت القصبة الهوائية

وطبعًا في تفسيرات كتير لكن مفيش سبب مؤكد بتدعمه أدلة ومعظم التفسيرات مش علمية.

#الكاتب_الرمادي

ـــــــــــــــــــــــــ