كانت للأسف مع كل اللي كنت بعمله دا كان عندي شوية ضمير بيأنبوني و دي كانت اكبر مشاكلي كنت بتخطاها بس الوضع مستمرش كتيير انا بدأت اشوف كل اللي كان بيئزيني و اموته محروق مقتول هكذا و بدأت اي حد كان بيضايقني كنت بأذيه جامد و كنت ممكن استخدم القوه دي على اتفه الاسباب مثلا كان فيه واحد زمااان كنت متخانق معاه و الناس سلكونا و الموضوع كان خلص افتكرته موته مشنوق عن طريق الجن دا و واحد تاني كان زعق مع ابويا مره قبل كدا حرقتلوا ولاده قدام عينه و مات من الحصره عليهم و المدير بتاع الشغل كان عاملي جزاء نص يوم قبل كدا حرقتلوا الشركه بتعتوا و دمرتله حساباته كلها في البنك و خليت الجن دا يطلع لبنته و مراته و فضل لحد ما جننهم و الراجل دا مستحملش كل الخساير دي انتحر و الوضع اتطور معي لحد الجنون تقريبا يعني كنت ماشي في السارع و واحد بصلي بصه حسيت من جوايا انها نظره وحشه او متضايق مني خليته انتحر من الخوف حرفيا طلبت من الجن دا يفضل يطلع و يخوف فيه لحد ما يموت منتحر من شدة الخوف و فعلا الجن دا نفذ خلاه كان واقف في الحمام و راح هز البيت كلوا و لغالوا الباب يعني مفيش مكان للخروج و في وسط اهتزازه خلاه يشوف المكان بيولع و سمع صوت صرخات شديده كدا ممزوجه بضحك بتاع مجموعه مش واحد بس الضحكه كانت مرعبه حرفيا و طلعلوا من وسط النار دي و صرخ في وشوا مره واحده بقوه و بعدها فجأه خلا الباب اتفتح و مجرد ما طلع على السلم شاف ناس شكلها غريب جسم بشر عادي بس الرجلين عباره عن حمم بركان و راسهم عباره عن كل واحد تلات جماجم مولعين و كلهم معاهم اسلحه و ضربوا بيها في الهوا الراجل من خوفوا لف وشوا و دخل جري على البلكونه لانها كانت المكان الوحيد الامان لقي طفله صغيره خايفه و جريت عليه و هو لسه بيبصلها لقي البنت دي اتقسمت نصين و ناصور دا طلع منها الراجل من خوفه نط من البلكونه من الدور العاشر
فضل الجنون اللي عندي دا مستمر على كدا سنه و طبعا جمعت فلوس و كان ليا مكان كبير و منصب عالي من ورا الكتاب و اتعلمت ازاي استخدم اكتر من جن بقيت ليا سيطره على عدد كبير من الطن و كان عندي اكتر من 10 خدمات و لو جن من الجان التانيه دا مش عاوز يحضر كنت بقوم بزجره طبعا كلمه زجر اتذكىت قدامك مرتين و لسه متعرفش بس يا معلم الزجر دا حتى لو الجن رافض يحضر ممكن تحضره بالزجر دا بياجي غصب يعني كل الجان تقريبا بيحضرو معادا الناصور دا مستحيل زجره زي ما قلت قبل كدا و لو زجرته ممكن يحضر بس حاجه من الاتنين هيحصلولوا اما انوا هياجي يئذيك و يمشي او هينفذلك طلبك و يتربسلك بعدها
ايه بقى اللي جابني هنا ؟!
جيت في مره كنت مع صديق الطفوله و اعز اصدقائي كان بيهزر معي فجأه وهو بيهزر خبطني خبطه شديده ضايقتني جامد و انا مضايق نسيت نفسي و الدنيا و روحت سايبه و مروح و حضرت الناصور دا و طلبت منوا يحرق اهله كلهم قدامه و بعدها يقتله طبعا هو نفذ اللي قلتله عليه فعلا خلاه مروح البيت و راح حارق البيت و اهله كلهم كانوا بيجروا قدامه و النار ماسكه فيهم و كان ليه اخت اصغر من انها تجري من النار فجري جوا يجيبها دخل البيت وقع عليه و حرقوا برضوا و مات و من هنا بدأ ضميري يأنبني جامد لدرجة اني مقدرتش أاذي حد تاني و اخدت القرار اللي غيرلي حياتي ميه و تمنين درجه اني لازم ابعد الجن دا عني بأي طريقه و فعلا بدأت مستخدمهوش و الوضع فضل يوم و اتنين و تلاته اسبوع شهر المده طولت لقيته ظهرلي و قالي انت خالفت العهد الذي قطعته معي و حان وقت دفع الجزيه و اختفى انا طبعا كنت هموت من الرعب بس قلت خلاص انا خدت قراري و هقرأ في الكتاب اشوف ايه الجزيه دي و فعلا قتحت الكتاب و بدأت اقلب فيه و جبت ناصور دا و لقيت الجزيه مكتوبه فعلا مكنوب" ان علشان الجن اللي انت بتحضره دا يسيبك في حالك لازم تخسر اعز ما تملك" قفلت الكتاب تاني و اتخنقت و فجأ افتكرت امي و ابويا خفت عليهم جدا فرنيت على امي و ابويا قالولي تمام كويسين قلت تمام انا نازل بكرا
تنور الدنيا يا حبيبي هنستناك بكرا
قفلت السكه خدت دش و روحت نمت حلمت بالقطه السودا بتاع زمان دي واقفه و وراها بيتنا كلوا محروق و انا واقف قمت مفزوع و طبعا معرفتش انام كل شويه الحلم دا بيتكرر نزلت و روحت البيت و فعلا اول ما روحت البيت و لسه هدخل الشارع لقيت البيت كلوا ولع و اهلي كلهم اتحرقوا و انا دخلت في حاله نفسيه شديده و جنبها بدأت اعيط بطريقه هيستيريه و عمال اقول ناصور هو اللي عمل كدا ناصور هو اللي عمل كدا لدرجة اني كنت شبه هتجنن و فضلوا لحد ما اهل المنطقه فكروني مجنون و بلغوا عني و جابوني هنا و دي حكايتي يا دكتور
الدكتور: بس انت حكايتك دي شبه خياليه و الكلام دا غريب دا انت حالتك صعبه خالص
انا: يعني انت مش مصدقني صح تمام انا هلعب لعبه انا وانت ايه رأيك
الدكتور:لعبت ايه
اللعبه عباره عن انك هتقعد زي ما انت كدا و تسمع اسم الجن ايه زي ما وعدتك تمام و نحضره ايه رأيك
الدكتور بثقه ماشي موافق وريني
تمام الجن اسمه(......) و فضلت اكرر اسمه و فجأه كالعاده المبنى كلوا بيهتز و كأن فيه زلزال الدكتور اترعب و قالي خلاص صدقت كان ردي و بعد ايه الوقت اتأخر استنا اللعبه لسه مخلصتش دا الجيم الاول تعالا بقى ليفل الوحش و طلبت من الجن قدامه يقتلوا و قلت للدكتور اهرب بقى و طبعا ملحقش يتحرك و كان الجن قتلوا و خرجني من المستشفى دي و دلوقت انا رطعت اشد و العن من الاول حاليا بقيت بدمر كل حاجه و اي حاجه تيجي قدامي او اي حد يقف قصادي و حاليا خسرت دنيتي و اخرتي بقيت بعيش في البيوت المهجوره و بستخبى من كل الناس لاني حاليا مطلوب للعداله و دلوقت بقيت مخلص جدا للجن دا و بقى بينفذ كل طلباتي و بعد ما امتلكت كل القوه دي انا قررت مسبش حد اذاني او مصدقنيش غير لما اخلي حياته جحيم مهما كان و حاليا مبقاش عندي حاجه اخسرها اهلي اتحرقوا اعز اصدقائي ماتوا اهل البلد بيكرهوني و بيخافوا مني لا مش بيخافه عارفين ليه لانهم ماته كلهم اصلا حاليا مليش بيت محدد معنديش شغل كل حياتي بقت عباره عني انتقم من اللي حواليا و ااذي اي حد بسبب و بدون سبب وةبقيت بتنقل من بلد لبلد بس افتكرت القصر اللي لقيت فيه الكتاب قلت بدل منا كل يوم اتنقل من مكان لمكان هروح اعيش فيه كدا كدا محدش بيروح هناك و لا حد عايش فيه و فعلا روحت هناك و بدأت اقرا في الكتاب و اتعلم منوا حجات كتير و بدأت اطلع للعلن عادي بصيغت ساحر اعمل اعمال اعمل خدمه بقيت حاليا معايا كل القوه تقريبا حجات بسيطه و بعدها اكون النمرود في عصري طبعا مع اني مؤمن بوجود ربنا دا الفرق اللي كان بينا و كان معايا السحر بانواعوا سواء علوي او سفلي و جيت في مره لقيت واحد كان عاوز يتعلم مني السحر و فعلا بدأت اعلمه و بدأت احب الولد دا بقيت بعتبره زي اخويا ذكي و جدع و بدأت اعلمه كل حاجه و بعد ما امتلكت كل اللي انا فيه دا بقيت عندي مشكله هي ان مينفعش اطلب حاجه شر علشان الخدمه العلوي و مينفعش مطلبش شر علشان ناصور ميأذنيش بدأت ابعد تدريجي عن الشر شويه طلباتي بقت خفيفه بص قبل ما اكمل لو مت في اي لحظه انشر قصني زي ما انا كاتبهالك كدا و متذكرش اسمك لحد اسمك انت المهم و جيت في يوم...
انا هكملكم مش مهم تعرفوا اسمي و لا اي حاجه عني استاذي جا في الفتره الاخيره و كان بيشتكي من موضوع ناصور دا كتيير كان دايما بيقولي انو عاوز يتوب و يبطل يعمل الشر دي...الخ و فعلا كان بدأ يبطلها حتى لو كان جالوا شغل سفلي كان بيرفضه و يقول لا و جيت في مره دخلت القصر و دخلت الاوضه بتعتوا لقيت جثته مرميه على الارض و محروقه الغريبه ان مفيش مكان نار و لا حاجه اتحرقت هو بس اللي كان محروق و لقيت الكتاب على المكتب و كان فيه دفتر مذكراته اللي قريتها و ورقه تحتيها كان مكتوب فيها "الكتاب دا فيه كل حاجه ممكن تحتاجها في حياتك بس اياك تستخدمه في الشر نهايتك هتكون زي نهايتي انا معرفش هموت ازاي بس اكيد انت هتعرف انا خالفت العهد و قررت ابقى نضيف و اتوب انت اختار الخير لان الشر في العالم دا كله نهايته معروفه و اياك تغلط نفس غلطتي دي تاني و لازم تقطع سلسة الكتاب دي يعني متعلمش حد خالص و لو حسيت يوم بالخطر احرقوا انا محرقتوش علشان تبقى تتعلم منوا و تعرف تتصرف لانك دخلت السكه دي خلاص و مينفعش تخرج منها اختار طريقك صح و قبل اي حاجه اقرا كل صفحه مش اقل من عشر مرات قبل استخدامها و متبدأش تستخدمه غير لما تقرأه كلوا كويس و اقرأ اول صفحه مفيده ليك هتديك نصايح مهمه تحياتي " و فعلا لقيت في اول صفحه" مرحبا بولي العهد الجديد لنرى كيف سيكون طريقك و كيف سيكون ثباتك به اختر طريق و لا تغيره حتى لا تكون نهايتك مثل نهاية معلمك اتبع النصائح الذي كتبها معلمك كاملة كلها" و بعدها لقيت تحت في اخر الصفحه كدا مكتوبه بخط عريض "بدأت اللعبه و تم وضع الاختبارات كن مستعد"
"و هنا بدأت قصتي انا بس انا اكيد هختار الخير و مش هغلط نفس غلط معلمي دا ابدا و بالنسبه للقصر اللي كان عايش فيه استاذي الفتره الاخيره دا انا هعيش فيه برضوا احياء لذكرى معلمي اما بالنسبه للجمله الاخيره دي انا مفهتهاش اوي بس اللي متأكد منوا ان الكتاب هيحاول يخليني اخسر و اغلط نفس الغلطه بتاع استاذي بأي طريقه
#تمت
#ناصور
#الجزء_الثالث
#الجزء_الاخير
#عزالدين_مجدي
#الكاتب_الرمادي
