لو مش هتقرأ البوست شوف آخره بس.
عبدالله رشدي الأسم الأكثر إثارة للجدل لمجرد ذكره، ممكن ناس تقرأ وهي مجهزة كل وضعيات الهجوم وناس تانية تقرأ وهي مجهزة كل وضعيات الدفاع وناس تانية جاي تهبد وكلهم متشابهين في نقطة واحدة بس.. خلف القطيع...
أنا مش جي أكلمك عنه بالظبط ولا جي أدافع ولا جي أهاجم، أنا جي أعرض فكرة هو خير مثال فيها
أولا كدا قبل ما أبدأ عاوز أقولكم إني متابعتش عبدالله الشريف ولا شفتله حاجه غير مناظرة بين وبين ملحد قبل كدا بس، لكني أسمع كثير وشفتله كام كومنت على كام تخطيفه سريعة أثناء تصفحي يعني وبناء عليه عاوز أقولكم كام حاجة بسيطة.
عبدالله رشدي حلو... عبدالله رشدي وحش
يعني أي
عبدالله رشدي حلو:
عبدالله رشدي مبيقولش حديث واحد خطأ أو ضعيف، وعلم المنطق عنده ليفل البطريق اللي بيطير وبيبخ نار على العدو كمان... دي نقطة لا جدال فيها أطلاقًا، منقدرش ننكرها خااااالص.. بشهادة الكثير من ذوي العقول
عبدالله رشدي يختلف عن كثير من رجال الدين فحاجات بسيطة ودي بصراحة أنا حبيتها فيه شهادة لله
بعد تمامًا عن المظهر الكلاسيكي اللي متعودين عليه.
جلابية بيضة ودقن طويلة، ودا السينما استغلته بشكل خاطأ أصبح الهيكل دا يا أما شيخ يا أما أرهابي ولأن الاتنين شبه بعض فبالنسبة للغرب الشيخ هو الأرهابيب ورفعت الأقلام وجفت الصحف على كدا
هو على العكس لبسه استيل جدًا ورياضي وكل حاجة مش حوار، وعصري كيييك ودا اللي البعض من أعداء الإسلام عمومًا مش حابه، لأنه كدا بدأ يمشي عكس التيار، تحديدًا التيار اللي يسهل تدميره زي ما قولت فوق.. وشوية حاجات كتار كدا حلوين.
عبدالله رشدي وحش:
ودي شوية نقط صغيرة من وجهة نظري رغم أنه من المفترض لا يتحلى بيها ودا من وجهة نظري اللي بنسبة كبيرة غلط عادي جدًا مش حوار
نقطتين بسيطتين مينفعش يتبعم الداعية وهو بيعملهم
الأولى أنه بيتبع أسلوب أثارة الجدل الشهير (عصبه ميفكرش فيغلط) في بعض المواقف رده بيكون مستفز شويتين ودا شيء مش حلو أطلاقًا لكن مفيش إنسان خالي من العيوب
الحاجة التانية ودي تحديدًا مينفعش تبقى في داعية إسلامية، وهي تابعة لنفس المنطق اللي فوق
بيرمي جملة صح بالكامل ومعانها صح ومثال في الجون من أتجاه، ومستفز وغلط ومثير للجدل من أتجاه فيثير الجدل بشكل قوي جدًا
يعني مثلا يقولك انت سايب عربيتك مفتوحه فمتزعلش لما حد مش عارف يعمل أي
هو هنا مثلا مثاله صح وغلط
مش فاكرله حاجة بس هنخترع
عيل شتمك فميزعلش لما أضربه
هو عمل فعل غلط وطبيعي إن رد الفعل يحصل
يعني عيل شتمني فضربته لحد ما كسرتله حاجة في جسمه، السبب أنه شتمني وهو غلطان أنه شتمني وحلوف وابن جزمة.. وأنا قولت كدا للعامة وكلامي صح بس آثار الجدل لأنه ناقص
إزاي؟
المفروض أقول هو هل لما شتم عزالدين، والسبب دا أدى أن عزالدين كسر رجله بسبب قلة أدبه، مع العلم إن عزالدين غلط لما عمل رد الفعل دا ولازم عزالدين يتعاقب برضوا.
كدا أنا إجابتي صح وكاملة ومتزعلش، وللأسف هو مبيتبعش دا
..............
بعيدًا بقا عن هو حلو ولا وحش، أنا عاوز أقول حاجة من رأيي الشخصي الأخير
أنا ماشي ولقيت حواحد سكران وشارب لما خربان ولقيته بيقول الحديث بتاع "أمك ثم أمك ثم أمك"
هل دا معناه أنه الحديث خطأ أو مخدش الحديث دا منه مدام هو بيشرب؟
أنا مالي ومال شربه للخمره، أو مالي ومال شخصه أصلًا أنا راجل وسخ وزباله وبزني، بس عالم فزياء درجة أولى لما أقدملك أختراع يفيد البشرية هتبص للإختراع ولا هتبصلي؟
العقل بيقول هاخد أختراعك بحمل الجد وأكرهك أنت عادي
مدام عبدالله رشدي بيقول أحديث قوية يبقى هحفظ أحديثه القوية وأبحث عنها وأحتفظ بكرهي لعبدالله رشدي وأسلوبه جوايا، مش اسخط على عبدالله رشدي وأسخط على اللي بيقدمه برضوا، عبدالله رشدي وحش بس أحديثه حلوا.. يبقى أكره عبدالله رشدي وأحب الحديث بتاعه
عبدالله رشدي حلو وأحديثه ضعيفه، يبقى أحب عبدالله رشدي وماخدش الحديث بتاعه.. أعرف إزاي الحديث ضعيف ولا قوي خد الحديث وأبحث عنه أنت مش صغير.. أنت مش تابع.. أنسان مفكر
ليه أنسان مفكر، لأنك مش هتبقى أنسان لو مكنتش مفكر..
مجرد وجهة نظر سريعة كتبتها قبل ما أنام
#الكاتب_الرمادي
