كيف تُسيطر عليك الإباحية

 الولية أول ما دخلت العيادة

قعدت، ولسه بتطَلَع حاجة من شنطتها

سمعت صوت صافرة دوَّت في المكان، وفجأة بعد الصُفارة على طول الـ 3 أنفار اللي قاعدين جنبها قاموا وقفوا في استجابة سريعة للصافرة..

بصّت عليهم كده باستغراب، ولم تُحرك ساكنا..

الـ 3 تنفار قعدوا

بعد شوية صغيرين دوَّت الصافرة مرة أخرى، وحدث نفس الأمر

نظرت إليهم الولية دي وهي مش فاهمة حاجة!!

بعد خمس دقايق كمان، دوّت الصافرة وقام الـ 3 وقامت معهم الفتاة

قامت كما قاموا، وظلت كذلك هنيهة كما ظلوا، وقعدت لما قعدوا

شويه والدكتور نادى على اسم الأول، ثم الثاني، ثم الثالث، وبقيت الولية وحدها في العيادة

دلف رجلٌ آخر " جديد نوفي ده "، قعد عا الكرسي، طلع ورقة كده من جيبه ولسه هيدون فيها حاجة، دوَّت الصافرة

الولية قامت..

صاحبنا بص عليها وبعد مرة كمان، قام قلدها..

ولا تدري هي سبب ذلك، ولا يدري هو لماذا قلدها..

كان هذا اختبار الامتثال الجماعي المعتمد على نظرية بافلوف واسنكينر في دراسة نظرية الاشتراط الكلاسيكي Classical Conditioning

اديني انتباهك سيكا بقى كده علشان هنقول حاجة في السريع ونقفل الكلام الغريب ده

الواد اللي اسمه عمرو، وصلنا دراعه بأقطاب كهربائية، وبعدين وصلنا الأقطاب دي بالكومبيوتر ..

جبنا الواد زيد، وعملنا معاه زي الولا عمرو..

أول بقى ما عمرو حب يحرك دراعه والدماغ أعطى إشارة للمستقبلات العصبية .. قام حصل استجابة ودراعه اتحرك

هوب هوب هوب يا زعيم

الواد زيد دراعه اتحرك بدون إرادته.. إجباري

كده عقل الولا عمرو بقى هو المتحكم وبيحرك زيد كمان معاه

كده عرفنا إنه يمكن إيصال أكثر من جسد بدماغ واحد فقط فيزيائيا

هذا ما يسمى بعلم الفيزيولوجيا الكهربية يا سادة

وهو علم يبحث في الصفات الكهربائية Neurophysiology للخلايا والأنسجة البيولوجية.

ليه بحكيلك الحدوته دي أصلا؟ واحنا مالنا احنا بالعك اللي فوق ده، ده احنا مزجانجية بتوع انبساط وهيء وميء وشخاليل؟

هقولك أهو..

الولية اللي في القصة الأولى، اللي شافت الـ 3 قاموا " وبالمناسبة الثلاثة دول من فريق العمل بتاع التجربة " لما سألوها: لماذا تقومين مع الصافرة ايتها الولية؟

قالت: وجدت الناس يفعلون فظننت أنه لابد أن أفعل

طيب الناس مشيوا بقى وسابوها لوحدها، بس يا حبة عيني كانت اتبرمجت خلاص، بل صار لها أتباع، يقلدونها .. يبقى القيادة خلعت، وعملت منها هي قيادة .. وصار لها أتباع.

عايز تقول ايه يا أسيم؟

عايز أقول إن إقناع الآخرين استنادا إلى موروثاتهم العقلية ومخاوفهم اللي هي ديماغوجيا لا تختلف كثيرا عن عمرو وزيد لما وصلناهم ببعض Physicall واتحكمنا في واحد عن طريق التاني.

دارت رأسُك الآن .. يلا نعدلها بقى ونبسطها ونجيب جمالها.

لو أنت/ي من الذين ابتلاهم الله بمشاهدة الإباحية فـ أول مرة شوفت/ي جنس محارم وانت عارف انه تمثيل، استنكفت الأمر، واستغربت، ورفضته، واستشعنته، وربما أشعرك بالغثيان،..

ربما انت الان لا تتذكر هذه اللحظات وهذا الشعور، التدرج اللي هما زرعوه في دماغك .. فصار المستقبح المستنكر المنافي لدينك وعقلك السليم مستساغا، وربما لو سمعت عن واحد عمل كده في الشارع بتاعك لا يكون ذلك مستنكرا بحد ما هو ممتعا، وممكن تعمل عليه فيلم في دماغك وعادات سرية كتير

اللي حصل واللي بيحصل في الإباحية، وموضَعة أفعال قوم لوط، وحشو رأسك بأن هذا طبيعي، وموجود وكثير، فصار مستساغا عندك

ما ذلك إلا اختراق لعقلك اللاواعي

لقيادتك أنت بذاتك

لتكون جزءا من ذلك

اكفر بهم يا حبيب اخوك ،، أكفر بالإباحية، أكرهها وبطلها، اقرف منها، اقرف من أشكالهم القذرة، بلاش توقع نفسك في فخ الولية اللي قلدت بدون وعي، وقلدها آخرون بدون وعي

هتيجي تقلد مش هتعرف تقلد كل اللي بيعملوه، لإنها مادة ترويجية غير حقيقية، وحتى الحقيقي منها قبيح، يخترق دماغك، هيخليك تقارن نفسك بيهم، وانت سليم، لكن تشعر بضعفك أمامهم، يصيبك ذلك بالانهزام النفسي، تشعر أنك ضعيف جنسيا، فلا تكون لك متعة جنس، وتدخل في دوامة عدم الثقة، اللي بدورها تهدم حياتك، انهدمت حياتك خلاص.. اقعد دور بقى على متعتك الشخصية، روح اعمل غير المستساغ اللي بقى مألوف .. دمار دمار دمار

إمام من أئمة المسلمين اسمه ابن القيم كان يقول " أصعب الحرام.. أوله، ثم يسهل، ثم يستساغ، ثم يؤلف، ثم يحلو، ثم يطبع على القلب، ثم يبحث القلب عن حرام آخر ! "

الإباحية مدمرة للعقل تدميرا فوق ما يمكن وصفه، العقل مدمر للجسد تدميرا فوق ما يمكن وصفة، شرحت لك قبل كده حالات ماتت بسبب سيطرة العقل على الجسد، زي صاحبنا اللي قالوا له هنصفي جسمك من الدم ونتابع التغيرات الفسيولوجية الطارئة عليه اثناء تصفيته، ومصفوش دمه ولا حاجة .. اوهموه بس.. لكنه مات، مات لأن عقله سيطر على جسده وأعطى أوامر لوظائف الجسد بالتوقف عن الحياة..

وقد بلغت حالات الضعف الجنسي النفسي مبلغا عظيما، حتى تكاد لا ترى مريضا عضويا إلا نادرا..

لا تقتل نفسك أرجوك!

بيخدعوك، بيركبوك، متعة ثواني بتهدم العمر كله، غير أنها مغضبة لله تعالى .. كأنك تقول لله " أنت أهون الناظرين إليّ، فأنا أخلو بنفسي وبك فلا يراني أحد إلاك وأصنع ذلك .. "

بطل تقول أسمائهم، لا هزار ولا جد ولا مثال على الفحولة

بطل تشوف أشكالهم القذرة

بطل تشوف أفلامهم

خليك راجل تسيطر على عقلك بنفسك، لا تسمح لهم أن يعبثوا بهذا العقل الذي وهبك الله إياه..

لا تكن كالفتاة، ولا كزيد، بل عمرو..

تُب .. بس كده المصدر: جروب شكة الدبوس الرسمي الكاتب: أسيم