بعد ما كتبنا شوية أدبيات نرجع بقا للعلم شوية لاحظ يا بيه إننا بنوع علشان الناس متزهقش.
بينما إنت قاعد في أمان الله اذ بفجأة عيل صغير بيهزر مع صاحبة راح راشش عليه ماية طبعا بدل ما تعدي الموقف عادي لازم الحج نيوتن يتربع في دماغك شوية ويقلك ليه المية بتخلينا نبتل، أعزاءي المتابعين أهلاً بكم في فقرة جديدة من سلسلة #لما_يحدث_هذا بعنوان "لما يعرضنا الماء للبلل.
السؤال تسحه غريب كدا لأننا من بداية الخليقة متعودين إن السوائل هتبلنا ويمكن مخطرش على بالكم بس تعالوا نفكر كدا لو حطيت شوية زئبق على جسمك وشوية زيت وشوية ماية هل كلهم هيبلوك بنفس الشكل؟
أكيد الإجابة هتكون لأ.
من الحاجات اللي لازم تلاحظها أو تكون عارفها في المواد هيا ظاهرتين الالتحام (قوة الجذب بين جزيئات السائل والمواد) والتماسك (قوة الجزب بين جزيئات والسائل نفسه).
يعني مثلا لو جبت حوض سمك ومليته ميه وحطيت فيه انبوب زجاجي هتلاقيه المية اندفع فيه وكل ما كان الأنبوب ضيق كل ما اندفعت الميه أكتر لإن الالتحام بين جزيئات الماء والزجاج أعلى من التجاذب بين جزيئات المية نفسها.
على النقيض بقى إنك لوجيت حطيت ذئبق مكان الماية هتلاقي الأنبوب شكل انخفاض وتشكل مع السائل و دا لان التجاذب بين التماسك والتجاذب معكوس المرة دي.
واسمع بقا التفسير دا بطريقة لولبية
" ونتيجة السبب السابق نلاحظ أن سطح الماء اندفع إلى الخارج على جانبي عند جوانب الوعاء الزجاجي بينما ينحني الزئبق نحو الأسفل عند الجوانب"
خاصية الالتحام عند المادة هيا اللي بتسهل عملية الامتصاص في السفنجة أو في القميص مثلاً.. الخ.
وطبعاً المية بتتميز بقدرتها الغريبة على الالتحام بالمواد التانية، كلن طبعاً فيه مواد تانية بتتلاحم بشكل أقوى وبطريقة تصل لحد الافتزاز.
بس وكفايا كدا
#عزالدين_مجدي
#الكاتب_الرمادي
#لما_يحدث_هذا
#بقلمي
