صحيت من النوم صليت الصبح و قعدت شوية و جيت تفطر لقيت الحجة سلأقالك بيضتين فانت قاعد هتاكل عادي جدًا بتبص للبيض فجأة ابو الفصوص اشتغل و قعدت تفكر هو ليه البيض بينزل بالشكل دا يعني ليه شكله بيضاوي مش كروي مثلًا.
أعزائي المتابعين أهلًا بكم في فقرة جديدة بعنوان "لما يمتلك البيض شكلًا بيضاوي" من سلسة (لما يحدث هذا)
تعالى بس قبل ما نبدأ أرجع بيك لسنة 1979 في موسوعة جنيس اللي سجلت وقوع بيضة من فوق ارتفاع 198 متر من فوق طيارة هليكوبتر على ملعب جولف و متكسرتش، شيفك و انت رافع حاجبك و بتشتم و بتقول ابتدأنا الهبد .
لا يباشا مبهبدش و لا حاجة+ الموضوع طبيعي و منطقي جدًا ، إرمي بيضة من فوق أي ارتفاع على عشب هتلاقيها متكسرتش ولا حاجة على عكسك انت لو وقعت من على 5 متر مهنعرفش نجبسك منين تدري ليش لأنك خرع اي والله خرع، المهم.
لو بصينا لتكوين قشرة البيضة هتلاقيها بتتكون من (الكلسيات)( نوع من أنوع كربونات الكالسيوم) و طريقة تراكم الكريستلات المفردة عاملة زي القوس بتاع الجسر (الدوران إللي بنشوفه في الكباري دا) فالضغط الخارجي بيجمعهم مع بعض و بيخليهم أقوى فبتستحمل أكثر طبعا و النتيجة عكسية من جوا يعني على قد ما البيضة بتستحمل ضغط من برة ضعيفة جدا من جوا و دا إللي بيسهل على الكتكوت أو فرخ الطائر دا إنه يفقس يعني، و طبعا الفرخ أو الكتوكت دا معظم غذائه بيكون من الكالسيوم إللي بيكون في قشرة البيضة و دا إللي نستنتج منه إن أحسن غذاء للفراخ هو فتات قشرة البيض (إجري بقى للحجة خليها تطحن قشر البيض و ترميه للفراخ بدل ما ترميه في الشارع المهم.
طبعًا مش كل الطيور بتتغذا على فتتات البيض في بعض الطيور بتغير نشاطها يعني عندك مثلًا النسور بتتغذا أو بتكسب الكالسيوم دا من العظام بتاع الفريسة بتاعتها
بالنسبة لشكل البناء بتاع البيضة لو هنبص ليها من ناحية قانون الإقتصاد في إستخدام المواد هتلاقي إن أفضل شكل للبيضة أن يبقى شكلها كروي مش بيضاوي مثلًا طب إيه الحكمة من كون شكلها بيضاوي بقا
أنا أقولك
في الحقيقة البيضة في الأصل أو في البداية بيكون شكلها كروي عند مدخل قناة التبييض قبل تشكل القشرة هي بتبدأ تشكل شكلها البيضاوي دا نتيجة الضغط عند مرورها من القناة+ إن في فرضية بتقول أن لو البيضة نزلت بشكل كروي هتدحرج بيعد عن العش و كان أكد على الفرضية طائر الغلموت مثلا إللي البيضة بتعتة لما بتنزل بتدحرج بشكل دائري قطرة عشرة سم مبتجريش في خط مستقيم (طائر الغلموت لا يبني عشًا بل يضع بيضه على المنحدرات الصخرية المعرضة دائما للعواصف و الرياح)
#لما_يمتلك_البيض_شكلًا_بيضاويًا
#عزالدين_مجدي
#الكاتب_الرمادي
#بقلمي
