*يا بت أنتي مراتي*
إسمي "جميلة" انا هحكي قصتي، انا دلوقتي عندي 21 سنه ومن سنه بالتحديد دمرت حياتي بأيدي.
قابلت شخص حبيته ودخل حياتي وبقي كل حاجه ليا وسندي اللي بسند عليه دايما، بس كان عنده مشكله واحده انه عايز يدخل ف اتجاه تاني غلط عشان يبسط نفسه وانا مكنتش حابه ادخل معاه ف السكه دي بس عشان بحبه وميبعدش عني راضيته وخليته يعمل اللي هو عايزه عشان معنديش حل تاني.
_يابت افهمي انتي مراتي.
لا انا خايفه.
_خلصي بقا والله هتجوزك وهتبقي ام عيالي.
هتتجوزني بجد؟
_اها والله هتجوزك انتي عبيطه يا بت انا بحبك.
*حصل اللي حصل*
انت مش بتكلمني ليه؟
_معلش ببقي مشغول
*هي عشان طيبه صدقته*
ياحبيبي احنا داخلين علي شهر وكل ما اكلمك مغلق
_يابنتي قولتلك مشغول ومش فاضي مترنيش عليا تاني عشان ببقي مشغول
*هي سكتت ومتكلمتش عشان بتحبه ومش قدامها حل تاني*
حبيبي انا حامل..
_من مين؟
ايه اللي انت بتقوله ده!!
_ايوه ما انا مش عارف من مين اللي تعمل كده مع واحد تعمل كده مع اتنين وتلاته وعشره.
انا عملت كدا عشان اراضيك!
_كان بمزاجك واحنا الاتنين عملنا اللي عملناه وانبسطنا.
يعني اي؟؟
_يعني متكلمنيش تاني وامسحي رقمي ومتتصليش عليا تاني ولو اتصلتي هفضحك وهخرب حياتك.
*دي اخرت كل بنت تفرط ف نفسها عشان واحد كل همه يستفيد منها او يعمل حاجه عشان يريح غريزتوا، اللي بيحبك مش هيطلب منك كده بالعكس هيحافظ عليكي عشان تكوني حلاله.
غير من نفسك يا ابن ادم ومحدش يقول ان هيا اللي جابته لنفسها، هي انضف منك بألف مره واحسن منك بألف مره عشان دي مش رجوله عشان تعمل كدا في بنات الناس، بص لأمك وأختك قبل متعمل حاجه شبه دي وبص لنفسك عشان لو كنت راجل بجد ومحترم وبتصلي وتعرف ربنا عُمرك مهتعمل كدا
#محمد_السيد
