من و أنا صغير كنت مفكر إن إللي رتب الحروف بتاع الكيبورد دا راجل غبي و يزيد على كدا كمان كنت مفكرة ميعرفش ترتيب الحروف صح كنت طفل بقا ، لحد ما كبرت و بدأت أقرأ و أخيراً عرفت السبب.
أهلاً بكم أعزائي
المتابعين في سلسلة جديدة بعنوان #لما_يحدث_هذا
الموضوع بدأ في القرن الـ16 لما موضوع التكنولوجيا دا بدأ
يتطور و يساعد إن في حاجة إسمها ألآت كتابة تسهل عليهم حياتهم بقا .
طبعا المخترعين لما أخترعوا أول آلة كتابة مسكتوش و دا شئ
عادي يعني فضولوا يطوروا و يصمموا من آلة الكتابة دي أشكال كتير جدأ بس طبعا مش كلها
إنتشرت لان نسبة قليلة جداً إللي طلع للنور و الناس إستخدموها بكثرة من أول المهندسين
إللي بدأو في تصميم و تطوير الآلة دي كان مهندس إنجليزي إسمه هنري ميل الموضوع دا كان
سنة 1714م بس مكنوش مسميينها آلة كتابة حسب ما أذكر و مش فاكر كانوا مسميينها إيه لأن
أول آلة إتسمت "آلة كتابة" كانت آلة صممها واحد أمريكي و كان إسمه ويليام
أستن برت و الكلام دا كان سنة 1829م و دا إللي خلاني أتأكد إن إللي قابليها مكنش إسمها
ألآت كتابة و فضلت الآلات تطور بنفس الشكل أو شكل مختلف و هكذا لحدا ما جا سنة
1867م جالنا راجل إبن ناس كدا و كان إسمه كريستوفر شولس و عملنا آلة كويسه كدا زيه
و كانت كوكتيل من الأفكار إللي إتعملت قبله حسب ما المؤرخين قالوا كان شكلها حاجة كدا
مابين التربيزة بتاع المطبخ و البيانوا و كان ترتيب الحروف في الآلة دي أبجدي الرجال
طلع كان حافظ الحروف أهو اللهم سهله و للعلم الآلة دي لسه موجودة لحد دلوقت في متحف
"سميثسونيان" .
بس للأسف غيرو الترتيب بتاعه لأن الترتيب دا كان بيعمل حركة وحشة في الآلة إيه
الحركة دي كانت بيخلي الآلة تعلق كتير و دا كان بيضيع وقت كتير من الكتاب و كانوا كل
شوية يصلحوها و كانت عيشة تقرف بصوت الأمهات إللي في المسلسلات بدأ.
يطوروا الآلة دي
بشكل يرتب الحروف نفسه ترتيب غير أبجدي
بمعنى يشوفوا الحروف إللي بنستخدمها كتير و نبعدها عن بعض
و فضل هكذا لحد ما ظهرلنا ترتيب الحروف بالشكل إللي بنشوفوا في أغلبيت الكيبوردات في
الكمبيوتر (QWERTY) شفتوا طلع الراجل
مش أهبل و أنا إللي كنت أهبل زمان والله زيك برضوا متضحكش المهم بعدها برضوا ظهر ترتيبات
تانية كدا و كان أشهر الترتيبات دي Dvorak إللي ظهرلنا سنة 1936م و إتسمى الترتيب دا بالإسم دا نسبة لـ إللي إخترعوا
كان إسمه أوجست دفوراك فكرة الترتيب بتاع دفوراك دا إنه يسرع الكتابة و يقلل حركة الأصابع
على الكيبورد إللي ملهاش لازمة إزاي أٌقولك أنا إنت متعرفش أنا عارف حط أكتر الحروف
إستخداماً في الصف الوسطاني و الحروف الساكنة رماها على اليمين و المتحركة على الشمال
بغض النظر إن الطريقة دي كانت أحسن تقريباً
و مضيعش وقت بس لما نزلت كان الناس
إتعودوا على الـQWERTY و عقبال ما يتعودوا على الـ دفوراك كان هياخدوا مدة كبيرة و الناس مش فاضية
بصراحة فكبروا دماغهم بغض النظر أن فيه كتير من التليفونات فيها الدفوارك دا إلا إن
الترتيب هيغير حاجات كتير زي المفاتيح السريعه للنسخ و القص و الصق ....إلخ و بس دي
كانت أخر الرحلة في الفقرة بتاع النهاردة
المصادر أول تعليق
مصادر:
https://computer.howstuffworks.com/question458.htm
https://www.youtube.com/watch?v=tIJNusYZXMA
http://mytypewriter.com/explorelearn/
