كان الغرض م الحرب
إن انت تخسرها
وجريت ع البرواز
ل الصوره تكسرها
بتبص ع روحك
لما الوجع زارها
في معركة ف جوفي
تسمع وتر خوفي
يكسر ضلوع جسمك
لو دارت الأيام
واتبدل الواقع
اعرف إني نسيت
جميع حروف اسمك
مشواري عارفه أنا صعب
وإن الرصاص في الحرب
خاين ملهش أمان
جايز كمان اتخان
وتجيلي طلقه غدر
فا كتبت في رسالتي
إني بمل السرد
علشان سقيت الورد
جزاتي الم الشوك
سايب مكان فاضي
ورا قلبي للهدنة
معرفش إن القلب
أصبح كمان مملوك
بجري ورا قلبي
عمال احذر فيه
لكن الوجع قاصد
يستدرجه ويعميه
كان نفسي أطمن
والناس يحبوني
من غير ما اشوف
نظرات بتفتت الباقي
واعرف حبيب باقي
علشان اطمنكم
وأنتم بتأذوني
#أحمد_الصاوي
الوسوم:
شعر عامية