مشهد من رواية المطهر

 ملخص مشهد صغنن من #رواية_المطهر

ثروان دا راجل أعمال واصل كحك.. إبنه أعتدى على حبيبة ساجي اللي هو أحد عمال الملجأ بتاع ديمون..

بعيد عن كثير من احداث في منظمة كاملة وظيفتها هي تقديم الحماية لبعضها والمنظمة دي مؤسسها الحقيقي هو ديمون وعندهم كام حكم بيطبقوه.. لكل القضايا عمومًا واشهرهم هو الإعدام.. وحاجات تاني عيب كدا.

ساجي كشخص مبيحبش النظام بتاع المنظمة دا حب يمشي بالقانون فثروان تلاعب بالأدلة وطلع إبنه براءة..

في نفس اليوم ولعدة أسباب كان ديمون نزل وراح الملجأ لعدة تفاصيل مهمة كحك برضوا.. المهم ساجي قابله سلم عليه وازيك وبتاع.. وزعلان ومقموص

ديمون: مالك يبني

ساجي: لا مكان للقانون مع من يمتلكون المال.. 

ديمون: خلصانة لا مكان للقانون معانا.. اي اللي مزعلك..

ساجي: قام حكيله القصة وقاله انا كنت مؤمن بالعدالة والنزاهة ومطلبتش دعم من المنظمة لكن القانون تم التلاعب بيه بشكل كامل.. والعدالة طلعت مليانة ندالة وتحس القاضي كان جي يجامل.

وانا بيني وبينك مردتش اقول للمنظمة علشان عارف إن أبسط أحكامهم هو الإعدام، وأنا خايف لعفريته يطلعلي بالليل بصراحة بقا.. هو آه يستحق الإعدام لكن مش حابب أشارك في إني أحقق العدالة بشكل يخالفها.. لكن اللي خلاني قولتلك لإنك اللي مربيني انا وكل عمال الملجأ دول وعارف إن قلبك كبير وبحكم علاقاتك ممكن تعمل طعن وتحقق العدالة بشكل أفضل.. 

ديمون: انا يبني، شكرًا على ثقتك فيَّ، هاتلي بيناته ومتخفش الراجل بين إيدين رحيمة.. وأوعدك إني مش هقتله، أنا هعرفه غلطه بس ومش هخليه ياخد غير جزاته وكل بما يرضي..

ساجي: ما تكمل الجملة يا حج ما تقول بما يرضي الله

ديمون في سره: لا منا اللي هعمله لا يرضي رب ولا عبد بصراحة.. رد وقاله معلش أصل جاتلي زغوطة فين العنوان

طبعًا ديمون عكشه رماه في المتاهة والجماعة بتوع حرب باندورا والمسخ ذو الوجه البريء عارفين مايحدث في المتاهة

#الكاتب_الرمادي