شرفنطح هانم والمعتصم بالله

 في شارع الحسيني رابع ملف على اليمين امام متجر المعتصم بالله لبيع الملابس الجميلة والرائعة اعزائي المتابعين

جات وحده واقفة قدامه زوقها زي وشها بالظبط الاتنين استغفر الله العظيم كدا عزيز المتابع اه والله زي ما بقولك كدا وراحت رادحة للحج المعتصم بالله قدام المحل 

قام اللي في المحل واللي برا المحل واللي في الشارع اللي جنب الشارع اللي فيه المحل و الناس اللي متعرفش حاجة عن وجود المحل اصلا جاريين هوب دوبل كيك اتاك بعضة الاسنيك ايه يا انسه ايه يا مدام 

راحت الحجة شرفنطح بصة كدا للمعتصم وبتهز وسطها بنبرة ردح كدا و بتوقلك "بقا البيئة دا عاوزني البس من عنده "

طبعًا كل من انعم الله عليه بنعمة العقل رسم علامة استفهام اكبر من الحوت الكبير اللي خدناه في ابتدائي ومش فاكر اسمه دا اللي هو طيب ما هو طبيعي يعني اي بياع عاوزك تاخدي من عنده ايه المشكلة 

- بقا انا شرفنطح هانم ابو الزعانف بيه البس من هنا 

=خلاص متلبسيش من هنا

- دا حاجته كلها زبالة 

=خلاص قولنا متتزفتيش وشوفي انتِ رايحة فين

وفجأة اعزائي المتابعين لقيناها بتبص حواليها كدا و هاتك يا شتايم و تقطيع في فروة اللي حواليها يا متخلفين يا جاهلة والذي منه

مالك يبنت المجنونه فيكي ايه

راحت راشقة الجمهور بالرد الساحق " ازاي تلبسوا من عندوا انتوا كمان"

طب وازاي انت كمان متلبسيش من عنده

-انا حره البس واقلع براحتي دي حرية شخصية يا شوية جاهله

= طب ما هما احرار برضوا يعني، ما يلبسوا ويقلعوا مكان ما يعجبهم

-لا دول متخلفين وجهله وهيرجعون لورا بالموضه القديمة دي

-يعني هو ميكروباص الحضارة كامل ووقف على لبس قرمط المسكين يعني، وبعدين ما انتي الموضه بتعتك لا تواكب المكان اللي انتي فيه يا اخت شرفنطح يعني عيشي عيشة اهلك، متكونيش بتاكلي على ارض وماسكة شوكة وسكينه يعني، الحياة بسيطة جميلة بس تكمل ببساطتها

- ما قولتلك انا حرة البس واعيش مكان ما يعجبني وبراحتي يا متخلفين يا جهلة يا مجتمع ذكوري متعفن

واتكت على الفاء اعزائي المتابعين 

قام واحد قايلها واحنا كذكور يعني ايه دخلنا في الموضوع 

يعني احنا مالنا يبنتي انتي اللي زعلانة من كون الناس بتلبس من محل المعتصم انتي عاوزه تلبسي من محل شلح واجري دا يرجع لكون ثقافتك التشليحية احنا مال امنا ما هو ذنب امنا؟؟!

-شوية متخلفين بيتكلموا اول مرة اشوف جهلة هيرجعونا لورا بيتكلموا 

قام واحد واقف كدا بيبصلها كدا بكل هدوء وفجأة نط بزعيقة "انتِ ايه اللي طلعك من المطبخ يا مرة"

-كل جاتوه وهنا الاخت شرفنكح فكرت انها دمرتله الجبهة قبل ما واحد يقولها صياحك طرب يا تيييييت

انت مالك يا عم ما تصيح براحتها صيحي يا مرة صيحي صياحك طرب والله 

بعيد عن كل عناصر الخناقة دي جا الاخ كيوتي اللي شغال في المحل و اكله وشربه ولبسه من المحل اصلا قاطع الخناقة 

يا عمو يا عمو، شرفنطح معاها حق يا عمو نعم لشرفنطح يا عمو و على فكرة بقا اللي ميأيديش شرفنطح يبقا نوتي وباد وعبيط

دا اختفى فجأة غالبا راح ورا مصنع الكراسي ملناش دعوة بيه

وفي وسط الخناقة العريقة دي قاعد الشيخ المعتصم يتفرج رغم ان الخناقة اصلا محورها عليه. 

والناس تقوله خش يا مولانا واحد من حبايب مولانا قالهم والله دي واحده معاقة ذهنيًا وحافظة مش فاهمة خير الرد على تلك المتخلفة هو ان نضحك على كلماتها الحمقاء

 يا عم مينفعش تستهين بعقلها المريض ورد طيب 

قام الشيخ المعتصم بالله واقف في هيبة عظيمة كدا وعدل البدله بتعته ولمع الساعة بعد ما عدل البلوفر كدا وداخل للأخت شرفنطح بصصلها شوية بصت فنان للوحة بيتأملها 

وقالها مالك يا اخت شرفنطح متعصبة ليه 

احنا في القرن الواحد وعشرين وانت لسه بتبيع الموضه القديمة المتخلفة دي 

وماله اللي ببيعه مش مواكب العصر وكتير بيلبسه وعاجبه و مغطي حياته كلها يعني مثلا جيتي في الشتا خدتي برد بسبب اللي ببيعه او تعبتي فجأة جالك كرونا وخلصنا منك قولي امين محصلش، دا بالعكس اللي ببيعه هو التحضر بذاته

دا اللي هو ازاي بقا ان شاء الله 

والله يا بنتي الموضوع بسيط زمان خاااالص ايام الانسان البدائي كان فاتح المحل شلح بتاعك دا بس هو مكنش مشلح دا كان معريها خالص بدأ المعلم يتحضر شويتين وراح مخبي الحتة العيب اللي عند الزبون، لان الزباين كانوا بيتحمرشوا ببعض ودا كان بيعمل زيادة سكانية بس المكان اتملى للحد المطلوب يعني بضاعته اللي مش موجودة مبقتش مكفيه العدد فأضطر يغير الموضه قبل ما المحل يتملي عيال صغيرة ومحدش عارفلهم اب، وراح جايب حتتين قماش مغطي بيها شوية من جسم الزبون وواحدة واحدة ومحل ورا محل لحد ما وصلنا للي ببيعه دا حاجة كدا تعمل منك جوهرة عارفة الجوهرة يشرفنطح دي بتعمل منك زيها وبتغطيها بحيث مياخدش الجوهرة دي الا مليونير او شخص ذو قيمة يعني، مش اي حد من الشارع يلعب بالجوهرة ويتفرج على الكربون اللي يرخصها تاني يا شرفنطح.

الفكرة بقا ان تقريبا محلات شلح جات موجة تجميد جمدتها ولسه صاحيين بالموضة بتاعتهم دي او عاوزينكم تبقوا كاربون، على الاقل لما تبقي كربون سعرك هيبقي رخيص يا شرفنطح هتكون سمعتك كماسة انك كاربون عادي ملوش لازمة.

حبك بقا للبس الانسان البدائي بغض النظر انه معدلين في مظهرة بس لكن نفس الفكرة يعني هو انك مش واثقه في نفسك وحابة تخري برا الصندوق بانك تقفي جنب الزبالة اللي برا الصندوق رغم انك ممكن تطلعي برا الصندوق بعظمة فكرك بشيء يميزك يا شرفنطح، مش بشوية لحمة من عند الجزار فرحانة بيهم علشان انتي الوحيدة اللي لحمتك حمرا وهما مخبين لحمتهم علشان سمين يا شرفنطح فهمتي يا شرفنطح عطلاق ما فهمتي انا عارف 

بصي روحي لمحلات شلح وانا رايح اكل جاتوه حاضر.

....

 الصورة تعبر عن حالة القارئ و انا 

ملحوظة انا اللي بضحك

#عزالدين_مجدي

#الكاتب_الرمادي

#بقلمي