عشت نفسي ضايعة مني
تايهه خالص مش لقيها
كل حاجة رايحة مني
رغم إني نفسي فيها
كنت أنتى حاجة غالية
عشت اكافح بس ليها
بس كانت كل خطوة
مني ليكي بتبعديها
كنت لوحة رسم فاضية
بين إديكي بترسميها
حاجة زي موضوع رسالة
بدون مراجعة بترسليها
كل حاجة جميلة فيا
كنتي أنتي بتقتليها
كنت أعمى يوم وهبتك
فترة من عمري تعشيها
مالنهاردة هعيش لوحدى
وهمشي مش هعمل حسابك
مالنهاردة غلبت ضعفي
مالنهاردة قفلت بابك
النهاردة دخلت جنة
بعد فترة في نار عذابك
بس ليكي منى شفقة
بيها يمكن انول ثوابك
مش هسامحك يعني مثلًا
زي ممش هطلب عتابك
في اللي دخلت نار فقطة
فاحسبي أنتي عذاب جانبك
عيش بين كذبك وغيرتك
ضيعي بينهم شبابك
مش أنا اللي هكون ضحيتك
مش أنا اللي هكون منابك
أنا اللي شاف نقصك بيكبر
خد قرارة بسرعة سابك.
للشاعر: زاهر عصام
