البارت الاول:
《 انا حاسه بدقات قلبك وهي بتعلي لما تحس ان في حد معاك وبيبص عليك من المرايه بالرغم من انك لوحدك عايز تعرف مين دا هتعرف معايا ف باقي القصه 》
انا ريم 22 سنه ف كليه طب عايشه ف اسكندريه
ف يوم كنت راجعه من الكليه وتعبانه جدا كان يوم طويل اوي ومتعب روحت البيت وانا هموت وانام انا عايشه لوحدي ف البيت عشان الكليه بعيد عن بيتي ف جبت شقه قريبه نوعا ما من الكليه المهم وانا بجهز نفسي للنوم سمعت الاوضه التانيه فيها صوت زي كأن في حد فيها الغريب أن مفيش غيري ف البيت ف روحت اشوف وانا بفتح بابا الاوضه باب الشقه خبط روحت فتحت لقيت عم محمد جارنا اللي تحت
عم محمد:- ايه يبنتي عامله ايه ؟
ريم :- انا الحمدلله ي عم محمد طمني عليك انت كويس
عم محمد :- بخير الحمدلله
ريم :- خير ي عم محمد في حاجه
عم محمد :- ابادن وانتي بره ف شاب خبط عليكي ف سألته عايز ايه قالي عايز الانسه ريم قولتله هي مش موجوده ف قالي طب ممكن لما تيجي تديها الكتاب دا وفتح كيس واداني الكتاب
ريم :- مقالكش اي حاجه تاني ولا اسمه
عم محمد :- لا يبنتي دا حتي شكله مكنش باين ومغطي وشه
ريم :- شكرا ي عم محمد قالي
نزل عم محمد وقفلت الباب شكل الكتاب غريب اوي ومخيف وشكله بشع جدا مكتوب علي غلاف الكتاب 《 المرايه 》 دخلت اوضتي ف ففكرت ف صوت اللي حصل ف الاوضه التانيه قولت اكيد صوت عم محمد وهو طالع وفكرت انه ف اوضتي و سبت الكتاب علي السراحه ونمت
صحيت من النوم فجاه قلقانه وخايفه زي م يكون ف حد معايا ف البيت احساس غريب اول مره احسه ببص علي الموبايل عشان اشوف الساعه كام لقيت الكتاب اللي عم محمد عطهولي مرسوم ف المرايه واسم لكتاب مرسوم باللون الاحمر
صرخت من الصدمه ايه دا صحيت فجأه من النوم قعدت دقيقه استوعب انه حلم ببص ف الساعه لقيتها الساعه 8ونص الصبح قمت فطرت ومسكت الكتاب عشان اشوف اي حكايته فتحت اول صفحه بس الكتاب كلامه مش مفهوم حروف وروسومات وأرقام كلمه واحده بس متكرر و مفهومه كلمه
《عاشق المرايه》
دخلت اعمل سيرش علي الكتاب ممكن اللقي حاجه عنه اول م كتبت اسمه الموبايل فصل قومت عشان احطه علي الشاحن بصيت ف المرايه لقيت ايه دا ازاي ........
يتبع.......
الكاتبه: روان جمال
