تحت سريري ج5

 لقيت محمد بيبتسم لي كدا و فجاه لقيته مشي من جنبي و الفيلل كلها عمالها تنفجر و اهله جواها بلا استثناء و الحكومه جات و انا شهدت على محمد فتم القبض عليه و محمد اعترف على نفسه و بعد اصدار حكم غريب شويه هو 25سنه سجن و بعدها اعدام لانه اعترف بجريمه التانيه برضوا كدا انا خلصت من محمد و مشكلته كدا ...

....................ه

(ايه مالك عاوز تخش الحمام طب تعبان طيب طب فيك ايه فهمني رد متنحش كدا منا مش هفهم حاجه من عنيك يعني انت و هو بصوا اسكتوا خلني اكمل قلتلكم حلوا المنجا صح بالهنا و الشفا يا يمعلم متقلقش هي ساعتين و تقدر تتحرك تاني براحتك بس سيبني اخلص كلامي)

.......................ه

كدا انا انتقمت من محمد مبقاش ليا بقا غير اني اتجوز و اكمل نص ديني و فعلا حددنا الفرح و اتجوزتها و عشنا مع بعض ثلاث شهور احلى ثلاث شهور في حياتي بس بعدها ماتت فجئه ليه او ازاي معرفش اكتشفت انها ماتت مسمومه طب مين اللي سمها و ليه كدا كان اخو ابراهيم لانه عرف اني اخر واحد كنت مع اخوه و شك في اني انا اللي قتلته بالمناسبه هما لقوا جثته ابراهيم مربوطه في الكرسي و محروقه تماما طب سمها ازاي كان في قراية الكتاب بتاعه و سلم عليا انا و مريم و ادانا كل واحد كوباية عصير بس باين عليها مفعولها بطئ انا مقدرتش اشرب معرفش ليه كانت نفسي مسدوده بس لما الح عليا سبته يلف وشه و كبيتها لان حرفيا مكنتش قادر اشربها

و لما روحنا كانت تعبت جامد و قبل ما الدكتور ياجي ماتت مع انها كانتت زي الفل هناك و من حرقت دمي و قهرتي حضرت الجن كالعاده و طلبت منها يحرق دمه على اهله كلهم و يموتهم بطرق مختلفه و المقابل كان اني اقدمله ثلاث قرابين كل تلات شهور هو بياخدهم معاه في العالم السفلي مدى الحياه و طبعا هيكون ليا صلاحية طلب اي حاجه من اللي انا عاوزها بزيادة ضحيه عليهم و فعلا اخو ابراهيم بدأ يكره حياته و نفسه حرفيا الموضوع بدأ بخطيبته و حلم حياته و كانت بنت عمه ماتت مسمومه برضوا تخيلوا مين اللي حط السم نرجع فلاش باك كدا عبدالرحمن حطهولهم في المشروب لان عبدالرحمن اشتغل في المحل اللي هما شربوا منوا المشروب قبل كدا زي ما كان هو اللي كان بيعمل كل الجرايم المجهول بامري بعديه و قبليه اه نسيت اقلكم هو كان بيقتل و يتحول كدا بسبب المشروب اللي شربه اه زي اللي انتو شربتوه دا استنوا بس هفهمكم متقلقوش هو قال هيتعذب اكتشفت ان دا عذاب معنوي لانه واعي باللي بيعمله و مش قادر يسيطر على جسمه و على نفيه المهم محمد اشتغل في المحل عصاير اللي راحو يشربوا منو و قبل ما يقدمه حطلهم سم في المشروب بتاع خطيبته مفعولوا نصف ساعه يكون مخلص بس بيحط اعراض و عذاب رهيب تخيلوا بقى شايف حبيبته بتتلوى و بتتعذب قدام عنيه و مش قادر يعمل حاجه و في وسط صدمته و خوفوا موبيلوا رن فتح من غير ما ياخد باله ج

حتى لقي واحد بيزعق و بيقله تعالى بسرعه بيتكم ولع و اختك و امك جوا و ابوك واقف هيموت من الصدمه هنا 

المعلم كان واقف مش عارف هيعمل ايه الاسعاف كانت جات لحبيبته خدوها و هو سابها و جري على بيتهم مجرد وصولوا البيت ولقي البيت ولع بس مكنش غير اخته اللي فيه و النار كانت عاليه لدرجه ان المطافي فضلت نصف ساعه تطفيها طبعا بش محتاج اوصفلكم لقوا الجثه بتاع اختو ازاي و ابوه من هول المنظر لما شاف اخته فضل يعيط لدرجة ان شبه تعب و ضغطه على و مكنش عارف يتنفس و اتحول انعاش نقف مش فاهمين حاجه صح 

هشرحلكم على السريع مش باقي غير حاجه بسيطه و اسيبكم بقى المحلول مفعله قرب يقف و الاسياد جيين 

المهم اللي رن كان عبدالرحمن كان رن عليه بحيث ياجي و في نفس الوقت يعذبه بالاختيار بين حبيبته و لا اهله اولى يكون معاهم و بمجرد ما راح كان البيت ولع كله بس و قلنا الباقي كدا مبقاش فاضل غير امه اللي عندها سبعين سنه و ابوه امه تعبت و راحت المستشفى برضوا و اللتنين كانو في نفس المستشفى عبدالرحمن راح المستفشى بالليل و راح دابح امه و دخل على ابوه خنقه لحد الموت اخو ابراهيم لما شاف المنظر دا من كتر الحسره اتجنن حرفيا كان نفسي تروحوا تشوفوه بنفسكم بس مش هتلحقوا 

انا حطيتلكم ماده بتثبتكم كدا ثلاث ساعات بتفضل مكانكم مبتقدروش تعملوا اي رد فعل و بعدها الماده بتروح عشرين ثانيه و بيغمى عليكم و الباقي دا شغلهم بيخدوكم العالم السفلي بيستخدموكم في اعمال سحر و قتل يقتلوكم او حاجات كتييير كدا دي حاجه بتاعتهم بقى انا اسف جدا انا عارف انكم ملكمش ذنب في اي حاجه و انا والله مش عاوز كدا بس مفيش بايدي حاجه اعملها لو رفضت انا هموت مكانكم و بعدين الفلوس عمتني بقيت ملك بصراحه و يا ريتني مكنت بس مفيش وقت للندم اما بالنسبه لاني خليتكم تقعدوا دا كان شرط تاني ان لازم الضحيه تفضل قاعده ربع ساعه بمزاجها على الاقل خلاص و قالهم انها هتموت (الضحيه) و انا قلتلكم في اول الكلام خالص انتو هتموتوا بس و لما نفيت نفيت ان فيه سم و دا مش سم و بعدها قلتلكم انا صادق في كل كلمه قلتها و هقولها و فعلا انا كنت صادق

انا اسف انا همشي دلوق هما على وصول انا اسف اسف جدا مضطر اسيبكم دلوقت يا ريت تسامحوني بس مش بمزاجي والله بعتذر 

#انتهت

#بقلمي

#الجزء_الاخير

#الجزء_الخامس

#الكاتب_الرمادي