خلصنا الفقرة اللي فاتت بإننا برئنا ملكنا المبجل "رمسيس التاني" من التهمة اللي كانت متلفقة ليه انه هو كان الطاغية "فرعون".
و كنا قولنا قبلها ان فرعون دا اسم علم و ليس لقب و قبلها كنا عملنا مقدمة سريعة عن بني اسرائيل و التوراتيه و تحريف التاريخ...الخ.
و لمّحت في الفقرة اللي فاتت بإني قولت ان فرعون كان هكسوسي، و قولت اني هتكلم في الموضوع دا المرة دي بس، قبل ما اتكلم في الموضوع دا كان عندي ملحوظة صغيرة يمكن كنت وقعت فيها في الفقرة اللي فاتت.
و هي اني قولت ان فرعون و زوجته كانوا عقم و دا بيتعارض تمام مع القصة الشهيرة بتاع (ماشطة ابنة فرعون) و كان فيه صديقة عندي علقت على الموضوع دا في احد الجروبات و انا بصراحة انا نسيت تماما ذكر الموضوع دا و علشان برضوا مطولش عليكم القصة بتاع ماشطة بنت فرعون تقريبا كلنا عرفينها ولو بحثت في جوجل هتلاقيها بسرعة جدا.
انا لما بحثت عن اصل القصة لقيتها متذكرتش غير في حديثين بس و سند الحديثين ضعيف جدا (بمعنى ميتاخدش بيهم) فبالتالي انا كلامي مكنش فيه غلطة ولا حاجة و تفسيري للآية صح الفكرة ان القصة كانت من الإسرائليات مش أكتر.. ولو كان ليه ففي البعض قال إن تفسير الآية معناها أنه لم ينجب ذكرًا مطلقًا
المهم هتكلم معاكم النهاردة في فقرة جديدة و كان معمول عليها فرضيات كتير و اثارت الجدل بشكل اكبر و هي ان فرعون رجل من الهكسوس.
اهلا بيكم اعزائي المتابعين في فقرة جديدة بعنوان "عصارة خليط الهكسوس" من سلسلة "فرعون موسى ما بين حكم مصر و إيجبت" تابعونا.
تعالوا الأول نتكلم عن مسمّى الهكسوس، (قبل ما نبدأ الموضوع دا اتقال عليه نظريات و فرضيات و هبد بكمية متتصورهاش، و انا أخترت الأقرب للصحة "من وجهة نظري" القابلة للنقد، و قابلة للهدم عادي جدا + انا مبجبش حاجة من عندي انا مجرد ببحث و بقلك نتيجة بحثي من وجهة نظري <اللهم بلغت> ).
و بما اننا هنتكلم في الموضوع دا يبقى لازم نستشير عمو مانيتون في الموضوع دا
(- عمو مانيتون
=نعم يا رمادي
-هو يعني ايه هكسوس
=يااااه فكرتني بالذي مضى بس دماغي مصدعة دلوقت فهختصرلك
-ماشي اختصر
=معناها الملوك الرعاة
-طب ممكن تحكيلي حكايتهم
=قولتلك دماغي مصدعة يلا يا بابا من هنا هنرش مية
-خلاص يا عم متزقش انا هروح لجريدة الحياة العدد 14561 اللي اتنشر بتاريخ 28/4/2000، اللي تكلمت عم اول ظهور لمسمى الهكسوس، دا كان في كتاب المؤرخ المصري مانيتون و في كتاب المؤرخ اليهودي يوسفوس اللي نقل كلام من كتابه (نقله من مانيتون يعني حسب ادعائه)، مكنش المسمى دا موجود قبليهم و كان كاتب النص دا "هؤلاء القوم عُرِفوا بالهكسوس أي ملوك البدو، فإن المقطع الأول هك يعني باللسان المقدس مالك، أما سوس فتعني بدويا و ذلك و إنما هو بحسب اللسان الدارج و من هاتين اللفظين جاءت كلمة هكسوس، غير أن بعضهم كان يقول أن هؤلاء كانوا عربا" الكلام دا قاله فلافيوس يوسفوس في كتابه (الرد على أبيون).و دا كان رأي
الرأي التاني كان لواحد اسمه "خزعل الماجدي" اللي قاله في كتابه (تاريخ فلسطين القديم) كان واخد في الكتاب دا اقتباس لواحد اسمع جاردنر و كان كاتب "أن لفظ الهكسوس مشتقة من غير شك من اصطلاح (حيق خاسة/حق خاسوت) اي رئيس الدولة الأجنبية الجبلية" و التي كانت تعني منذ عهد الدولة الوسطى مشايخ البدو" و الرأي دا كان ذاكره ناس كتير برضوا و من ضمنهم "جان ڤيركوتير" في كتابه "مصر القديمة" ترجمة "ماهر جوباتي" (لو حملت الكتاب متدورش في الفهرس عن "الهكسوس" دور علي الفترة الزمانية، بص ابدأ اقرأ من أول عصر الإنتقال الثاني هتلاقيها).
الرأي التالت اتذكر في حوار مع الدكتور "محمد بهجت" تحت عنوان (يجب أن نفرق بين اللغة و الكتابة) بغض النظر عن الحوار كان المضمون اللي احنا عاوزينه هنا بيقول ان لفظ الهكسوس مش لفظ مصري خالص و انما هو لفظ تم اشتقاقة من اللغات السامية القديمة و يعني لفظا قريبا من "امراء الخيول" أو "جنود الخيالة"و هو بصراحة تفسير واقعي و قريب جدا من الحقيقة و ختم كلامه بانه قال ان المقطع "سوس" يعني الخيل و هو ما يذكرنا بلفظ "سيسي" التي تطلق على احد الحيوانات من فصيلة الخيول ( ركزلي هنا كدا وحياة ابوك علشان منضعش، هو اللي قال، هو ايه؟، اللي قال، انا مليش دعوة و ربنا يستر)
و كان فيه رأي تاني أخير و اكثرهم دقة و منطقية و لامم كل التعريفات اللي عدت و هو ان معناه "الجنود البدو" و الراي دا بيتوافق جدا مع كونهم "عماليق"
كدا احنا خلصنا التسمية بتاعتهم تعالوا بقا ناخدلنا لفة في هما مين و اصلهم ايه.
و دا برضوا كان عليه اختلافات كتير بس اللي صحيح بنسبة أكتر اللي هقوهولك تحت دا.
المصريين سموهم العمو بمعنى البدو، و الأسيويون و علماء الأجناس و الشعوب سموهم العموريين، و الأخباريون سموهم العماليق التسمية اختلفت بإختلاف هجراتهم و ازمانهم يعني المهم.
تعالوا نبدأ بإقتباس للأستاذ سليم حسن لما قال "وتدل شواهد الأحداث ان يوسف كان وزير لأحد فراعنة الهكسوس"
و تعالوا نعدي على الدكتور "احمد شلبي" اللي قال "الهكسوس هم الرعاة العماليق"
و طبعا مش هننسى رأي الدكتور"لويس عوض" اللي قال "هؤلاء العماليق إستطعنا تحديدهم بجحافل الهكسوس" و ضاف على كلامه دا "ولا شك ان هؤلاء الهكسوس هم العماليق كما تقول التوراة"
ومش هننسى المؤرخ الأثري "أحمد نجيب" لما قال "العمالقة هم أمة الهكسوس"
و الأستاذ عبد الحميد جويدة الحسار اللي قال "المؤرخون العرب يرون أن الهكسوس هم العماليق"
و طبعا لازم نذكر كتاب (العرب قبل الإسلام) لـ"جورحي زيدان" اللي قال فيه ان العمالقة هم الهكسوس.
و المؤرخ العراقي" أحمد سوسة" اللي قال "وكان المصريون يعرفون الملوك الرعاة بإسم الهكسوس، لكن العرب سموهم العمالقة"
و نحلي بإقتباس للمؤرخ السوري "عِزة دروزة" كان مقتبسه قبلي "نديم السيار" في كتاب (قدماء المصريين أول الموحدين) المهم الإقتباس بيقول" العمالقة يعني الهكسوس"
و نختم بضيف الفقرة بتاعتنا "يوسيفوس" اللي حط كتاب في القرن الأول الميلادي بعنوان (الرد على أبيون) حكاية الكتاب دا ان كان فيه واحد اسمه أبيون و دا كان مؤزخ إغريقي و تقاريبا كان بينه و بين اليهود تار ولا حاجة فكان ماسك كرامة اليهود غسل و نشير و نسب ليهم كل عيب و نقيصة، فجا المعلم يوسيفوس دا و حاول يدافع عن قومه و عشيرته فعمل الكتاب بتاعه دا و ادعى انه واخد كل كلامه من كتاب (تاريخ مصر Agypriaca) لـ "مانيتون" وخاد اقتباس لمانيتون. بيقول "في عهد تيماوس أصابنا، و لست أدري لماذا؟ نقمة من الإله، فإندفع نحونا أقوام أسيويون من أصل وضيع جاءوا المناطق الشرقية،... هذه الأقوام كلها كانت تدعى هكسوس و معناها الملوك الرعاة، و البعض يقول ان هؤلاء الناس كانوا عربا"
دكتور احمد شلبي بيأكد في كتابه (مقارنة الأديان) "الهكسوس هم من الأعراب الذين ذكرهم القرآن بقوله {الأعراب أشد كفرًا و نفاقًا}
يوسيفوس اليهودي استشهد بكتاب منيتون ليؤكد ان بني اسرائيل كانوا هم الهكسوس قال علشان يتمنظر يعني انهم احتلوا مصر و كدا، المهم.
دا كدا كان التمهيد لهما مين تعالوا بقى نخش على المستوى التاني.(خليط من العمالقة)
و بما اننا هنتكلم عن خليط العمالقة يبقى لازم نثبت انهم كانوا خليط متعدد الأول .
و علشان نثبت كدا يبقى لابد اننا نرجع لـ"الموسوعة المصرية" و ناخد منها الأقتباس دا "و لا شك أن الهكسوس لم يكونوا خليطا واحدا"
و موسوعة لانجر و ناخد منها الأقتباس دا "كان الهكسوس جنسا خليط"
و بعدها نخش على موسوعة "مصر القديمة" تحديدا "الجزء الرابع" لـ"سليم حسن" اللي قال فيها عنهم "ليسوا من جنس واحد بل جماعات متنوعة ممن كان يقطن بلاد الشام و ببن النهرين"))
و تعالوا نسترجع كلام "جواد علي" في كتابه (المفصل في تاريخ العرب) "والمعروف أن الهكسوس الذين حكموا مصر كانو خليطا من العرب في رأي الكثير من العلماء بل في نظر قدماء المصريين كما حكي ذلك الراهب المصري مانيتون في كتابه المؤلف باليونانية في القرن الثالث قبل الميلاد"
و ناخد رأي عالم الأثار مارييت
أيها الأثري ماريت ما رائيك؟
والله يا ابو العزوز ياخويا من وجهة نظري التي لها قيمة عظيمة "إن قبائل الهكسوس كانوا خليطا من العرب و أهل الشام و أكثرهم من الكنعانيين ... و أطلق عليهم في التواريخ العربية العمالقة"
عشت و مت متواضع يا مارييت تسلم يا ابو الصحاب، و انت يا عم بريستد رايك ايه
بريستد: من وجهة نظري ان ابناء يعقوب (اسرائيل) كانوا على اصح الإحتمالات عربا تابعين لإمبراطورية الهكسوس، بأيد بكلامي دا نظرية يوسفوس اللي بتقول "أن بني إسرائيل قوم من الهكسوس، ولا يبعد عن أن يكون وجود هؤلاء الأعراب بينهم سببا في تلقيب تلك الأمبراطورية بدولة الرعاة"
-تسلم يا عم بريستد على رأيك الجميل دا يلا بقى عُد من حيث اتيت.
و نختم بقا برأي "زينون كاسيدفسكي" اللي قال في كتابه (الواقع و الأسطورة في التوراة) و اللي ترجمه "حسان ميخائبل"، قال "و يتوقع أن تكون عشيرة يعقوب قد جاءت مصر مع زحف الهكسوس أو بعد أن أقاموا سيطرتهم فيها، و قد أستقبل يعقوب و من معه استقبالا طيبا في مصر لأنهم كانوا أقرباء المحتلين...الخ")
و بناء على الأراء دي كدا نطلع برأي جديد بيقول ان "الهكسوس" معناه "العموريين/العماليق" اللي معناه "البدو الرحل" او "الرعاة" او "الأعراب" و كلها خاصة بـ"أجناس أسيوية "و في رأي بيقول انها ممكن تكون من كل فروع "العرب البائدة" او "العرب القدماء و أبناء سام "
تعال الأول نبدأ
بأبناء سام
عيلام اللي منهم العيلاميين و دول سكنوا منطقة الأهواز الواقعة ببن العراق و ايران في شرق نهر دجلة.
أشور و اللي منه الاشوريين ودول سكنوا شمال العراق
و العرب القحطانيين و العدنانيين، لود و آرام. و ارفشكاد
العرب البائدة: عاد و ثمود، و طسم، جديس، أميم، عبيل، العماليق، و من اشتق منهم كالبدوا العبرانيين و غيرهم
عاد سكنوا في حضرموت (مش مؤكد قوي
ثمود سكنوا في حجر الجبال...الخ و امتدوا من العلا بالقرب من تبوك في السعودية حتى البتراء في الأردن
العرب القحطانيين مساكنهم بدأت مساكنهم في اليم ثم ارتحلوا الي الحجاز و مكة...الخ، و هكذا علشان مطولش عليكم.
و بكدا خلصنا رحلتنا النهاردة بإننا عرفنا يعني ايه "هكسوس" و هما مين و كانوا عايشين فين و ايه علاقة اليهود بيهم، هنكمل الفقرة المرة الجاية بإزاي دخلوا مصر و احتلوا جزء من وادي النيل و بعدها ازاي احتلوا طيبة و ايه علاقة فرعون بيهم و اسف اني طولت عليكم
#فرعون_موسى_ما_بين_حكم_مصر_و_إيجبت
#الكاتب_الرمادي
و كنا قولنا قبلها ان فرعون دا اسم علم و ليس لقب و قبلها كنا عملنا مقدمة سريعة عن بني اسرائيل و التوراتيه و تحريف التاريخ...الخ.
و لمّحت في الفقرة اللي فاتت بإني قولت ان فرعون كان هكسوسي، و قولت اني هتكلم في الموضوع دا المرة دي بس، قبل ما اتكلم في الموضوع دا كان عندي ملحوظة صغيرة يمكن كنت وقعت فيها في الفقرة اللي فاتت.
و هي اني قولت ان فرعون و زوجته كانوا عقم و دا بيتعارض تمام مع القصة الشهيرة بتاع (ماشطة ابنة فرعون) و كان فيه صديقة عندي علقت على الموضوع دا في احد الجروبات و انا بصراحة انا نسيت تماما ذكر الموضوع دا و علشان برضوا مطولش عليكم القصة بتاع ماشطة بنت فرعون تقريبا كلنا عرفينها ولو بحثت في جوجل هتلاقيها بسرعة جدا.
انا لما بحثت عن اصل القصة لقيتها متذكرتش غير في حديثين بس و سند الحديثين ضعيف جدا (بمعنى ميتاخدش بيهم) فبالتالي انا كلامي مكنش فيه غلطة ولا حاجة و تفسيري للآية صح الفكرة ان القصة كانت من الإسرائليات مش أكتر.. ولو كان ليه ففي البعض قال إن تفسير الآية معناها أنه لم ينجب ذكرًا مطلقًا
المهم هتكلم معاكم النهاردة في فقرة جديدة و كان معمول عليها فرضيات كتير و اثارت الجدل بشكل اكبر و هي ان فرعون رجل من الهكسوس.
اهلا بيكم اعزائي المتابعين في فقرة جديدة بعنوان "عصارة خليط الهكسوس" من سلسلة "فرعون موسى ما بين حكم مصر و إيجبت" تابعونا.
تعالوا الأول نتكلم عن مسمّى الهكسوس، (قبل ما نبدأ الموضوع دا اتقال عليه نظريات و فرضيات و هبد بكمية متتصورهاش، و انا أخترت الأقرب للصحة "من وجهة نظري" القابلة للنقد، و قابلة للهدم عادي جدا + انا مبجبش حاجة من عندي انا مجرد ببحث و بقلك نتيجة بحثي من وجهة نظري <اللهم بلغت> ).
و بما اننا هنتكلم في الموضوع دا يبقى لازم نستشير عمو مانيتون في الموضوع دا
(- عمو مانيتون
=نعم يا رمادي
-هو يعني ايه هكسوس
=يااااه فكرتني بالذي مضى بس دماغي مصدعة دلوقت فهختصرلك
-ماشي اختصر
=معناها الملوك الرعاة
-طب ممكن تحكيلي حكايتهم
=قولتلك دماغي مصدعة يلا يا بابا من هنا هنرش مية
-خلاص يا عم متزقش انا هروح لجريدة الحياة العدد 14561 اللي اتنشر بتاريخ 28/4/2000، اللي تكلمت عم اول ظهور لمسمى الهكسوس، دا كان في كتاب المؤرخ المصري مانيتون و في كتاب المؤرخ اليهودي يوسفوس اللي نقل كلام من كتابه (نقله من مانيتون يعني حسب ادعائه)، مكنش المسمى دا موجود قبليهم و كان كاتب النص دا "هؤلاء القوم عُرِفوا بالهكسوس أي ملوك البدو، فإن المقطع الأول هك يعني باللسان المقدس مالك، أما سوس فتعني بدويا و ذلك و إنما هو بحسب اللسان الدارج و من هاتين اللفظين جاءت كلمة هكسوس، غير أن بعضهم كان يقول أن هؤلاء كانوا عربا" الكلام دا قاله فلافيوس يوسفوس في كتابه (الرد على أبيون).و دا كان رأي
الرأي التاني كان لواحد اسمه "خزعل الماجدي" اللي قاله في كتابه (تاريخ فلسطين القديم) كان واخد في الكتاب دا اقتباس لواحد اسمع جاردنر و كان كاتب "أن لفظ الهكسوس مشتقة من غير شك من اصطلاح (حيق خاسة/حق خاسوت) اي رئيس الدولة الأجنبية الجبلية" و التي كانت تعني منذ عهد الدولة الوسطى مشايخ البدو" و الرأي دا كان ذاكره ناس كتير برضوا و من ضمنهم "جان ڤيركوتير" في كتابه "مصر القديمة" ترجمة "ماهر جوباتي" (لو حملت الكتاب متدورش في الفهرس عن "الهكسوس" دور علي الفترة الزمانية، بص ابدأ اقرأ من أول عصر الإنتقال الثاني هتلاقيها).
الرأي التالت اتذكر في حوار مع الدكتور "محمد بهجت" تحت عنوان (يجب أن نفرق بين اللغة و الكتابة) بغض النظر عن الحوار كان المضمون اللي احنا عاوزينه هنا بيقول ان لفظ الهكسوس مش لفظ مصري خالص و انما هو لفظ تم اشتقاقة من اللغات السامية القديمة و يعني لفظا قريبا من "امراء الخيول" أو "جنود الخيالة"و هو بصراحة تفسير واقعي و قريب جدا من الحقيقة و ختم كلامه بانه قال ان المقطع "سوس" يعني الخيل و هو ما يذكرنا بلفظ "سيسي" التي تطلق على احد الحيوانات من فصيلة الخيول ( ركزلي هنا كدا وحياة ابوك علشان منضعش، هو اللي قال، هو ايه؟، اللي قال، انا مليش دعوة و ربنا يستر)
و كان فيه رأي تاني أخير و اكثرهم دقة و منطقية و لامم كل التعريفات اللي عدت و هو ان معناه "الجنود البدو" و الراي دا بيتوافق جدا مع كونهم "عماليق"
كدا احنا خلصنا التسمية بتاعتهم تعالوا بقا ناخدلنا لفة في هما مين و اصلهم ايه.
و دا برضوا كان عليه اختلافات كتير بس اللي صحيح بنسبة أكتر اللي هقوهولك تحت دا.
المصريين سموهم العمو بمعنى البدو، و الأسيويون و علماء الأجناس و الشعوب سموهم العموريين، و الأخباريون سموهم العماليق التسمية اختلفت بإختلاف هجراتهم و ازمانهم يعني المهم.
تعالوا نبدأ بإقتباس للأستاذ سليم حسن لما قال "وتدل شواهد الأحداث ان يوسف كان وزير لأحد فراعنة الهكسوس"
و تعالوا نعدي على الدكتور "احمد شلبي" اللي قال "الهكسوس هم الرعاة العماليق"
و طبعا مش هننسى رأي الدكتور"لويس عوض" اللي قال "هؤلاء العماليق إستطعنا تحديدهم بجحافل الهكسوس" و ضاف على كلامه دا "ولا شك ان هؤلاء الهكسوس هم العماليق كما تقول التوراة"
ومش هننسى المؤرخ الأثري "أحمد نجيب" لما قال "العمالقة هم أمة الهكسوس"
و الأستاذ عبد الحميد جويدة الحسار اللي قال "المؤرخون العرب يرون أن الهكسوس هم العماليق"
و طبعا لازم نذكر كتاب (العرب قبل الإسلام) لـ"جورحي زيدان" اللي قال فيه ان العمالقة هم الهكسوس.
و المؤرخ العراقي" أحمد سوسة" اللي قال "وكان المصريون يعرفون الملوك الرعاة بإسم الهكسوس، لكن العرب سموهم العمالقة"
و نحلي بإقتباس للمؤرخ السوري "عِزة دروزة" كان مقتبسه قبلي "نديم السيار" في كتاب (قدماء المصريين أول الموحدين) المهم الإقتباس بيقول" العمالقة يعني الهكسوس"
و نختم بضيف الفقرة بتاعتنا "يوسيفوس" اللي حط كتاب في القرن الأول الميلادي بعنوان (الرد على أبيون) حكاية الكتاب دا ان كان فيه واحد اسمه أبيون و دا كان مؤزخ إغريقي و تقاريبا كان بينه و بين اليهود تار ولا حاجة فكان ماسك كرامة اليهود غسل و نشير و نسب ليهم كل عيب و نقيصة، فجا المعلم يوسيفوس دا و حاول يدافع عن قومه و عشيرته فعمل الكتاب بتاعه دا و ادعى انه واخد كل كلامه من كتاب (تاريخ مصر Agypriaca) لـ "مانيتون" وخاد اقتباس لمانيتون. بيقول "في عهد تيماوس أصابنا، و لست أدري لماذا؟ نقمة من الإله، فإندفع نحونا أقوام أسيويون من أصل وضيع جاءوا المناطق الشرقية،... هذه الأقوام كلها كانت تدعى هكسوس و معناها الملوك الرعاة، و البعض يقول ان هؤلاء الناس كانوا عربا"
دكتور احمد شلبي بيأكد في كتابه (مقارنة الأديان) "الهكسوس هم من الأعراب الذين ذكرهم القرآن بقوله {الأعراب أشد كفرًا و نفاقًا}
يوسيفوس اليهودي استشهد بكتاب منيتون ليؤكد ان بني اسرائيل كانوا هم الهكسوس قال علشان يتمنظر يعني انهم احتلوا مصر و كدا، المهم.
دا كدا كان التمهيد لهما مين تعالوا بقى نخش على المستوى التاني.(خليط من العمالقة)
و بما اننا هنتكلم عن خليط العمالقة يبقى لازم نثبت انهم كانوا خليط متعدد الأول .
و علشان نثبت كدا يبقى لابد اننا نرجع لـ"الموسوعة المصرية" و ناخد منها الأقتباس دا "و لا شك أن الهكسوس لم يكونوا خليطا واحدا"
و موسوعة لانجر و ناخد منها الأقتباس دا "كان الهكسوس جنسا خليط"
و بعدها نخش على موسوعة "مصر القديمة" تحديدا "الجزء الرابع" لـ"سليم حسن" اللي قال فيها عنهم "ليسوا من جنس واحد بل جماعات متنوعة ممن كان يقطن بلاد الشام و ببن النهرين"))
و تعالوا نسترجع كلام "جواد علي" في كتابه (المفصل في تاريخ العرب) "والمعروف أن الهكسوس الذين حكموا مصر كانو خليطا من العرب في رأي الكثير من العلماء بل في نظر قدماء المصريين كما حكي ذلك الراهب المصري مانيتون في كتابه المؤلف باليونانية في القرن الثالث قبل الميلاد"
و ناخد رأي عالم الأثار مارييت
أيها الأثري ماريت ما رائيك؟
والله يا ابو العزوز ياخويا من وجهة نظري التي لها قيمة عظيمة "إن قبائل الهكسوس كانوا خليطا من العرب و أهل الشام و أكثرهم من الكنعانيين ... و أطلق عليهم في التواريخ العربية العمالقة"
عشت و مت متواضع يا مارييت تسلم يا ابو الصحاب، و انت يا عم بريستد رايك ايه
بريستد: من وجهة نظري ان ابناء يعقوب (اسرائيل) كانوا على اصح الإحتمالات عربا تابعين لإمبراطورية الهكسوس، بأيد بكلامي دا نظرية يوسفوس اللي بتقول "أن بني إسرائيل قوم من الهكسوس، ولا يبعد عن أن يكون وجود هؤلاء الأعراب بينهم سببا في تلقيب تلك الأمبراطورية بدولة الرعاة"
-تسلم يا عم بريستد على رأيك الجميل دا يلا بقى عُد من حيث اتيت.
و نختم بقا برأي "زينون كاسيدفسكي" اللي قال في كتابه (الواقع و الأسطورة في التوراة) و اللي ترجمه "حسان ميخائبل"، قال "و يتوقع أن تكون عشيرة يعقوب قد جاءت مصر مع زحف الهكسوس أو بعد أن أقاموا سيطرتهم فيها، و قد أستقبل يعقوب و من معه استقبالا طيبا في مصر لأنهم كانوا أقرباء المحتلين...الخ")
و بناء على الأراء دي كدا نطلع برأي جديد بيقول ان "الهكسوس" معناه "العموريين/العماليق" اللي معناه "البدو الرحل" او "الرعاة" او "الأعراب" و كلها خاصة بـ"أجناس أسيوية "و في رأي بيقول انها ممكن تكون من كل فروع "العرب البائدة" او "العرب القدماء و أبناء سام "
تعال الأول نبدأ
بأبناء سام
عيلام اللي منهم العيلاميين و دول سكنوا منطقة الأهواز الواقعة ببن العراق و ايران في شرق نهر دجلة.
أشور و اللي منه الاشوريين ودول سكنوا شمال العراق
و العرب القحطانيين و العدنانيين، لود و آرام. و ارفشكاد
العرب البائدة: عاد و ثمود، و طسم، جديس، أميم، عبيل، العماليق، و من اشتق منهم كالبدوا العبرانيين و غيرهم
عاد سكنوا في حضرموت (مش مؤكد قوي
ثمود سكنوا في حجر الجبال...الخ و امتدوا من العلا بالقرب من تبوك في السعودية حتى البتراء في الأردن
العرب القحطانيين مساكنهم بدأت مساكنهم في اليم ثم ارتحلوا الي الحجاز و مكة...الخ، و هكذا علشان مطولش عليكم.
و بكدا خلصنا رحلتنا النهاردة بإننا عرفنا يعني ايه "هكسوس" و هما مين و كانوا عايشين فين و ايه علاقة اليهود بيهم، هنكمل الفقرة المرة الجاية بإزاي دخلوا مصر و احتلوا جزء من وادي النيل و بعدها ازاي احتلوا طيبة و ايه علاقة فرعون بيهم و اسف اني طولت عليكم
#فرعون_موسى_ما_بين_حكم_مصر_و_إيجبت
#الكاتب_الرمادي
.jpg)