الإرتباط ما بين الحلال والحرام

 من المواضيع اللي اتطرحت في اللايف من كام يوم هو "الارتباط حلال ولا حرام، وإي رأيي في الموضوع عمومًا"

بص هو إحنا نسيبنا من موضوع حرام ولا حلال دا لإن دي نقطة مفروغ منها، مش هنتكلم في حاجة كلنا عارفينها.. لكن تعالى نتكلم في نقطة أهم..

الإرتباط عمومًا عبارة عن فترة زمنية لازم هتعدي عليك، يعني لابد ليك/ي إنك ترتبط أو على الأقل تتواصل مع حد مش من جنسك، وهنا بقا صُلب الموضوع.

إنت قصدك إي بالإربتاط الأول؟

إحنا عارفين موضوع نظرة ليك ونظرة عليك، مما يعني إن أي تواصل بينك وبين بنت في الظروف العادية دون الحاجة فيها نوع من الفتنة ونوع من الذنب ولو صغير.. ومع ذلك هو شيء كدا كدا هتعمله رغم معرفتك بيه.

فهل قصدك بالإرتباط مجرد التواصل بينك وبين شخص! ولا كلام (أخوة زي ما بتسموه) ولا (حب) ولا ما فوق ذلك؟

والسؤال دا يتحط تحتيه خطين وعلامة استفاهم كبيرة جواها سؤال تاني بتقول مين بيتحكم في الليلة دي

عمومًا إجابة السؤال الأول شاملة لكل مصطلحاته: فيه ذنب في الموضوع.

لكن يكمن لُب ومضمون الحوار في السؤال التاني.. مين بيتحكم في الليلة دي.

الأول تعالى أقولك على الإجابة من بعيد ونقرب..

بما إن التواصل مع بني غير جنسك عليه ذنب في المطلق العام (إلا في الحالات بتعته المحارم والزواج... الخ)

وبما إنه ذنب أو زي ما بيقولوا شر لابد منه، أو شر إنت واقع فيه، خلاص متغرقش.. يعني إنت مرتبط وبتحبها جدًا ومش قادر تبعد بأي شكل من الأشكال وواثق تمامًا بإنك هتخطبها وتتجوزها وتكون ليك وإنك قادر على دا.. أنا بديك المَكس بتاع الحجة بتعتك..

ثق أيضًا إن رغم إن دا مضمون، وارد جدًا إنك تفلسع من الدنيا، ووارد هيَّ، ووارد برضوا تحصل ظروف قهرية، طار بين العيلتين، علشان متبررش لنفسك كتير (بُعد الشر عليكم)، فدا معناه إنها خلاص مبقتش ليك وغصب عنكما..

مبقولش كدا يبقا أبعد لحد النصيب...الخ. أنا بقول لحد ما تقدر تبعد م تغوطش جامد

إعتبر الإرتباط بحر، وإنت على الشط.. متفضلش تتعمق جوا لحد ما تغرق خليك على بر الأمان.. خليك نازل بجسمك لحد النص لإعتبار إن الموج لو شد يكون لسه فيه مجال للنجاة

أتكلم عادي واسأل وخليك سند، بس خف محن، قلل صور...الخ، فاهمني. (نقطة)

مين بقا بيتحكم في الليلة دي..

بصي الولد لحد قبل ما يحبك بجد بخطوة، عنده قابلية للحرام.

يعني الولد عنده قابلية إن نفسه تغلبه، مش هو داخل نيته وحشه، علشان تفرق، عنده قابليه نفسه تحط عليه ويدوس محن، يدوس صور، يدوس الفاظ، يدوس وينطلق.. ومن هنا نفهم إن المتحكم في الليلة دي البنت.

الولد لن يجرأ، على تعدي حد إنتِ مخلياه حد قاطع، هتقرب من هنا هتتشلوح، فديمًا بيقول لسه بدري مقدرش أطلب، نفسه حتى مبتعليش سقف الطموح للحد دا ويمكن اللي تحتيه سيكا..

إنتِ المسئولة بالكامل عن إسلوب الكلام معاكِ هيوصل لحد فين، طلباته منك هتوصل لحد فين، تفكيره فيكِ هيروح بعيد في أي نطاق، مسئولة بالكامل، ومتقوليش لي منقولش إنه شهواني متعفن، بلا بلا بلا، ماشي هو كدا، لي تسمحيله يمارس عفنه عليكِ فيعفنك معاه؟

خلاصة القول:

الإرتباط حلال ولا حرام

حرام وفيه ذنب لا جدال في ذلك

طيب أنا مرتبط ومش قادر أبعد مهما حاولت؟ خلاص متذودش الطين بلة قلل من حدة الذنب، قلل كلامك المحن إتكلموا في المفيد بس، أتكلم عادي من غير معاكسات، قلل الصور، لو بتخرج بلاش خروجات على الأقل...ألخ

مين المسئول عن صلاحية الكلام؟ مين المسؤول دي مش حجة ليك تدوس خالص، هتتحاسب، أنا بلومها في حالة إنك شخص قذر، فبقولها إنتِ اللي ادتيله الصلاحية إنه يشدك ليه، لكن دا مش مبرر لقذارتك.

وبس كدا

#الكاتب_الرمادي