_عايزه الصراحه؟؟؟
_ أنا بكتم جوايا لما بكون زعلانه أو مضايقه مش بحب أقول لحد ولا يعرفو عني حاجه مهما سألو كتير دا إذا سألو الإجابه بتكون دايما أنا بخير الحمد لله مع إبتسامه مكسوره ودموع مليا العين مش عارفه إزاي مش بيلاحظو دا مع إنها بتكون واضحه جدااا عارفه كل مره بقف قصادك وبقول مفيش دموع تاني خلاص إحنا بقينا أقوى مفيش حاجه هتكسرنا تاني وف ثانيه بلاقي بحر نزل من عيني نقول خلاص نركز ف مستقبلنا ونحقق حلمنا ونبقي حاجه كبيره وأقل كلمه بتكسرنا وترجعنا ميت خطوه لورا عارفه بالرغم أن حوليا كتيييير بس محدش بيحس بيا غيرك انتي برتاح معاكي جدااا عارفه ف موقف حصل معايا كسرني بمعني الكلمه مره كنا متجمعين كالعاده ونلعب لعبه ف جيه سؤال كل واحد يقول مين أقرب شخص ليه بس بشرط يكون جوا الحلقه دي كل واحد اختار وكتب ف ورقه جيت اشوف الورق لقيت كل واحد اختار كنت بقراء وانا فرحانه ومبسوطه جدا ليهم بس اتكسرت اوووي عارفه ليه ملقتش حد كاتب اسمي مع اني كل لما كان حد يحتاج حاجه كنت ببقي اول واحده واقفه ف ضهره وبساعده ف كل حاجه وبعدين يبعدو كنت بخلق ميت عذر علشان مبقاش وحيده وابعد عنهم بس بعد كدا اكتشفت اني ابقي وحيده احسن مابقي مع ناس مش بتديلي اهتمام بس تعرفي اللي يضحك انك مع أول اتصال ايوه ي نور محتاجه منك كذا تجري تعمليه وتنسي وعدك لنفسك بقيت بقول لنفسي يلا ي هبله دي مش طيبه دي هبل طيبتك اتحولت لهبل بقي بياذيك واقرب الناس مش بتسأل فيكي والله العظيم انا مش طالبه حاجه من الدنيا دي غير حاجه واحده بس حاجه واحده الاقي الكتف اللي السند عليه وقت ما اميل طولت عليكي المره وصدعتك بكلامي صح يلا اسيبك واجيلك تاني بس يارب اجيلك بسندي.
#نورالرفاعي
