رسالة ليكي من قلبي
نطقها بحُرقة يوم بُعدك
يا بايعة وكنت أنا الشاري
يا ضيعة و كنت أنا ركنك
يا وردة زرعتها فيا
وقطفت نفسها وسابت
فحضني الشوك
ورغم الشوق ولا هشتاق
ولا عايز وجودك جنبي من تاني
أنا مش قادر اتخطى
حاجات بوظها عميانك كادماني
أنا مدمن ربيع حضنك
وكنت بدوب وبنساني
يا نسياني وفيتالي
حاجات مقدرتش أنساها
فظهرت عجز نسياني
كنت طفل يوم قابلتك
حاجة طاهرة لما خدتك
لجل اصونك بين ضلوعي
كنت شايف ضحك وشك
حاجة حلوة جميلة جدًا
زي جبر لسيل دموعي
بس فعلًا كنتي غلطة
وغلطتي إني آمنت حد
وحبل الود كان بينا
بيتمزق نتيجة الشد
فجنة وكنتي تفاحة
بتنقلني لدار الكد
أنا فعلًا بقول همشي
بقول هبعد بقول ياما
لكن عمري مقولت بجد
فأنا نقيت خلاص دمي
وشلتك منه كليًا
بقيتي ذكرى والعنوان
حاجة أذتني نفسيًا.
#زاهر عصام.
#قصيدة: حاجة أذتني نفسيًا.
