الليل وباب مقفول وأربع حطان حوليك
والوحدة هي الونس مالية المساحة عليك
شوفت الوجع على بُعد ومشيت إليه برجليك
شافوك حزين مكسور ولا حد خد بأديك
تفكيرك المقتبس من سطر جه فبالك
هو اللي عاش فاللمة حاسس بأحوالك؟
ولا أنت فالمجهول وبعيد عن الأنظار ؟
رغم البشر حوليك قاعد وحيد فدار!
الناس تعدي عليك تطلق بصرها بعيد
مروا عليك نهشوك متقولش قلبي حديد
قلبك دا كومة قش فايت عليها الريح
قلبك يا حول الله زي طير فركن جريح
ولا حد حاسس بيه ليروح عليه يداويه
ولا سهل أنه يطير على حضن يسكن فيه
أنت برخيص اتبعت ماللي أنت كنت شريه
الخوف دا لو كان سم فأنت اللي ميت بيه
لف الشوارع كلها لملم شتات روحك
اشرب في قهوة وحط البن فجروحك
كت هي دي اخرتك متقولش أنا مظلوم
بالغت فمحبتك ومفيش محبة تدوم
فاشل تشيل أفتك لي تشيل أفف غيرك
الناس دي بعد الشفا مبيذكروش خيرك
عيش فالوجع عمرك بل المخدة دموع
دوق طعم نار فعلك أحلم تلاقي رجوع
لو مالحنان أكلك هتموت هنا مالجوع
الناس هنا قلبها أسود ككحل الليل
لو كنت فيك الرجا كان يبقى جنبك سيل
سيل مالبشر ساندين كان يستحيل هزمك
كونك وحيد مكسور مش ذنبهم ذنبك
مالدنيا دي نستك كون ربنا جنبك
شارب كاسات دنيتك طالب تعيش مرتاح
ونسيت وصال ربنا ودا صاحب المفتاح.
للشاعر زاهر عصام
