ممكن تيجوا تسمعوني شويه و بالمقابل هتاخده كل الفلوس دي
دول مليون جنيه بس هما حاليا اللي معايا هنا متستغربوش اني بدفعلكم الفلوس دي لمجرد انكم تسمعوني يعني واحد زيي صعب يلاقي حد يسمعه الفتره دي
دقيقه و جيلكم
اتفضلوا احلى كوكتيل للرجاله الحوا علشان تتمزجوا و انا بحكيلكم بصوا اعتبروها حدودته مثلا
بصوا مش عارف ابدأ منين او اجبهالكم ازاي بس كل اللي حصل دا مش بمزاجي و مقدرش اوقفه انا خسرت اعز اصحابي و أهلي كلهم بلا استثناء و زوجتي اعز الناس على قلبي و السبب كان تافه جدا هو لمجرد اني حسيت ان فيه حد تحت السرير فنزلت شفت ايه تخيلوا هو مش كدا بالظبط فيه حاجه تاني بس هتعرفوها و انا بحكي بصراحه انا برضوا استفدت يعني زي ما انتوا شايفين بقى عندي قصر و فلوس ملهاش اول من اخر و يدوب شغال بتاع عصير
بصوا انا هحكلكم من ساعة ما كنت صغير لحد يومنا دا حتى اللي عملته معاكم دلوقت و انتوا مش واخدين بالكم هقولكم عليه
مالكم بس وشكم اصفر ليه متقلقوش انتو هتموتوا بس ههههههههههه
ايه متقفشوش كدا متقلقوش انا بهزر معاكم مش حططلكم سم ولا حاجه
و الحاجه التانيه اللي عاوزكم تعرفوها اني عمري ما كذبت و لا بكذب في حياتي يعني اي كلمه بقولها او قلتها حقيقه تماما اتمنى تركزوا في كل كلمة كويس نبدأ
انا اسمي عزالدين عندي 30 سنه تاريخ ميلادي 20/9/1989 كنت عايش في بيت انا و اهلي عادي في منطقه زراعيه شويه يعني ارياف و كدا جنب المساكن عادي المهنه كنت لحد 15 سنه طالب و بشتغل في الاجازه بس كنت بشتغل اي حاجه تجيب فلوس خياط نجار حداد مش بتفرق مكنش ليا مهنه معينه و حاليا مهنتي بجيب فلوس من الهوى بمعنى مجرد ما بحتاج بجيب بدون مجهود او مجهود خفيف المهم
من و انا صغير لحد سن خمس سنين تقريبا كنت ديما بحس ان فيه عفريت او جن تحت السرير و هيطلع يقتلني و الشعور و الخوف دا فضل معليا لحد تسع سنين تقريبا و بعدها اختفى و عشت عادي لحدا ما كان عندي 11سنه تقريبا
اتخانقت مع امي و دخلت الاوضه بتعتي و قفلت الباب عليا و قفلت النور يعني قاعد الدنيا عتمه و مش شايف حاجه و فجأه جالي شعور غريب شويه حاسس ان فيه حد معايا في الاوضه يعني حاسس بنفس و صوت خفيف كدا جي من تحت السرير كل دا حسيته تخيلات عادي بس لما سمعت خبطه في رجل السرير من تحت لا كدا بقى دي مش تخيلات فتحت النور بسرعه و بدأت انزل على الارض بخوف و حذر شديد علشان ابص تحت السرير بس ملقتش حاجه خالص
قلت يمكن دي تخيلات مثلا المهم فضلت ساند على السرير و نمت و جا اليوم التاني عادي نفس الفكره حاسس ان فيه حد تحت السرير و بنزل ابص ملقيش حاجه بس عدت اربع سنين تقريبا بس في الفتره دي كلها بتحصا معايا احداث غريبه يعني مثلا بحس ان في حد ماشي ورايا بحس ان فيه حد مراقبني بكون قاعد و حاسس ان فيه حد بيبصلي من ركن الاوضه او قاعد قدامي بحس بحركه خفيفه في البيت و المصيبه اني كنت مفكرها تخيلات بس للأسف طلعت حقيقه و بسبب غلطه مني بس او فضولي و خوفي اهلي و اعز صحابي و مراتي ماتوا بطرق مختلفه المشاكل بدأت من يوم ما تميت 16 سنه كان يوم عيد ميلادي جا اصحابي عندي و هزرنا و ضحكنا و كل حاجه في اوضتي كنا اربعه انا و ابراهيم و مصطفى و عبدالرحمن
و قررنا انهم يبيتوا عندي في اليوم دا المهم الساعه 2 بالليل تقريبا صحبي عبدالرحمن صحانا و قالنا يا جماعه انا هقلكم حاجه بس يا ريت محدش يتريق المشكله انهم كلهم كانوا صاحيين انا الوحيد اللي كنت نايم قلتله قول قالنا انا حاسس بنفس خامس معانا في الاوضه و كل شويه بحس بخبط تحت السرير و الفرش دا اتشال من عليا دلوقت انا متأكد و حاسس بحركه في الاوضه دي و كل ما اغفل احلم بكوابيس لقيت مصطفى و ابراهيم قالوا حقيقه احنا سامعين كدا برضوا و كل دا بيحصل معانا احنا كمان فانا بكل برود قلتلهم عادي الموضوع دا بيحصل معايا كل يوم مفيهوش مشكله خالص حاولوا تنامو انتو بس مفيش حاجه عبدالرحمن قال لأ انا خايف و مقدرش اكمل تعالوا روحوني قلتله تروح دلوقت انت عبيط مينفعش لقيتهم كلهم بيقولوا لا احنا لازم نروح
قلتلهم مينفعش و دي اهانه ليا و مينفعش اللي بتقولوه دا اصرو برضه قلتلهم اللي هيروح ميعرفنيش تاني ماشي قالولي ماشي اتافجئت من ردهم و فعلا نزلت اتمشيت معاهم و روحتهم و بعدها روحت و انا مروح حسيت بحد ماشي ورايا بس كنت خايف ابص ورايا و شويه حسيت لا مش حسيت انا سامع صوت نفس بتاع واحد ماشي ورايا انا متأكد ان كان فيه حد ورايا بصراحه انا خفت ابص و خفت اجري و فضلت لحد ما روحت و دخلت نمت حلمت بواحد طووويل و لابس اسود كدا و شكله مش واضح و قالي هما اهانوك و لازم تاخد حقك قلتله ازاي يعني قالي نقتلهم قلتله نقتلهم ليه الموضوع مش مستهال انت عبيط قالي اسمع انت ملك و الملوك مينفعش يتقتلوا انت هتصحى هتلاقي كتاب تحت السرير فيه كلام هتقولو هيحضرلك واحد من الخدم بتوعك و مجرد ما تأمره هينفذ و اختفى صحيت من النوم عرقان و خايف مش عارف ليه و الحلم مسك في دماغي شويه فعلا نزلت ابص تحت السرير بس ملقتش حاجه لسه برفع راسي كدا لقيت حاجه كدا على جنب بمسكها لقيت كتاب صغير خدته لقيت ورقه اصفر جامد و فتحت لقيت فيه كلام غريب خفت و مرضتش اقرأه و رحت مخبيه و فضلت صاحي جيت تاني يوم رحت المدرسه و قابلت اصحابي اعتذرولي و انا عذرتهم بصراحه فسامحتهم و اليوم خلص و و دخلت انام حلمت بحلم كان مخيف شويه حلمت بنفس الراجل دا و قالي فيه ليك خبر حلوا و خبر وحش نبدأ بالخبر الوحش هو انك.....#يتبع
#الجزء_الاول
#الكاتب_الرمادي
#شبح_تحت_سريري